Arifmetikalıq máseleler hám olardıń túrleri. Máseleler sheshiwdiń áhmiyeti

Arifmetikalıq máseleler hám olardıń túrleri.
Máseleler sheshiwdiń áhmiyeti.
Matematikanı oqıtıw sistemasında máseleler sheshiw shınıǵıw islew túrlerinen bolıp esaplanadı.
Máseleler sheshiw dáslep balalarda matematikalıq túsiniklerdi qáliplestiriw, olardıń oqıw dástúrinde belgilep berilgen teoriyalıq bilimlerdi ózlestiriwlerinde áhmiyetke iye.
Másele: Oqıwshıda 4 reńli qálem hám 2 ápiwayı qálem bar. Oqıwshıda barlıǵı bolıp neshe qálem bar?
Bul másele arqalı oqıwshılarda qosıw haqqındaǵı túsinikti qáliplestiriw, bekkemlew hám qosındını tabıwǵa baylanıslı bilimler payda boladı.
Máseleler sheshiw arqalı oqıwshılarda jańa bilim payda boladı hám bar bilimler qollanıladı, sol arqalı bekkemlenedi. Máselen, bilimlerdiń qáliplesiwinde teoriyanı ámeliyat penen oqıtıwdı turmıs penen baylanıstırıp alıp barıw imkaniyatın beredi. Másele sheshiw arqalı satıp alınǵan zattıń bahasın, kvartira remontınıń bahasın, poyezdge keshikpew ushın úyden neshede shıǵıw kerek degen hár qıylı ámeliy esaplawlardı orınlaydı.
Oqıwshılar máselelerdi sheship atırǵanda hár qıylı matematikalıq túsinikler-san, arifmetikalıq ámel, qosılıwshı, qosındı sıyaqlılar menen tanısadı.

1. 
   Máselelerdi biliw hám tárbiyalıq funkciyaları.
   

Joqarıdan kelip shıqqan jaǵdayda máseleniń 2 kerek funkciyası bar ekenligin bilemiz.

1. 
   Máseleniń biliw xarakterindegi funkciyası
   
2. 
   Máseleniń tárbiyalıq xarakterindegi funkciyası.
   

Máseleler sheshiw processiniń ózi metodikada oqıwshılardıń aqılıy rawajlanıwına bir qansha keri tásir kórsetiwi belgili. Ol aqılıy operaciyalar; analiz hám sintez, konkretlestiriw hám abstraktlastırıw, salıstırıw, ulıwmalastırıw sıyaqlılardı rawajlandıradı. Turmısta sanlar menen baylanıslı bolǵan hár qıylı esaplawlar kelip shıǵadı, onı orınlaw ushın arifmetikalıq ámeller orınlawǵa tuwrı keledi. Bunday esaplaw talap qılatuǵın jumıs mazmunı másele delinedi.
Hár bir másele berilgen (belgili) hám izlenip atırǵan (belgisiz) sanlardı óz ishine aladı. Máseledegi sanlar, kóplikler sanın yamasa muǵdarlardıń mánisin xarakterleydi, qatnaslardı ańlatadı yamasa tabıw kerek bolǵan
Másele: Jeńil mashina 4 saat joldı 56 km tezlik penen júrgen. Mashina qansha jol júrgen?
Shárti: Jeńil mashina 4 saat jolda 56 km tezlik penen júrdi (belgili yamasa berilgen).
Soraw: Mashina qansha jol júrgen (izlenip atırǵan yamasa belgisiz). Máseleni sheshiw: Bul másele shártinde berilgen sanlar hám izlenip atırǵan sanlar arasındaǵı baylanıstı ashıp beriw hám sol tiykarda arifmetikalıq ámellerdi tańlaw, keyin bolsa olardı orınlaw hám másele sorawına juwap beriw degen sóz.