Axoli turmush darajasini aks ettiruvchi omillar Axoli daromadlari Ijtimoiy himoya ob'ektlari

O‘tish iqtisodiyoti sharoitida bolalarga to‘lanadigan nafaqalar
O‘zbekistonda bolalarga juda katta e'tibor berilib kelinmoqda. Bu bizning kelajagimiz va yirik mehnat zahirasidir. Bugungi bolalarga qo‘yilgan kapital ertaga samara berishi tayin. Shu tufayli bolalarning jismoniy, intellektual, ma'naviy va mafkuraviy rivoji uchun juda ko‘p ishlar amalga oshirilmoqda. Respublikamizda voyaga yetmaganlar bilan ishlash komissiyasi faoliyat ko‘rsatmoqda. Bu komissiya keng ko‘lamli chora-tadbirlar dasturini amalga oshirmoqdalar.
Mamlakatimizda bolalarga to‘lanadigan nafaqalar ikki yo‘nalishda amalga oshiriladi:

1. 
   Bevosita bolalarga to‘lanadigan nafaqalar.
   
2. 
   Bilvosita to‘lanadigan nafaqalar.
   

Bevosita bolalarga to‘lanadigan nafaqalarga quyidagilar kiradi.

• 
  bola tug‘ulgan paytda bir martalik to‘lanadigan nafaqa. Bu nafaqaning miqdori ikki minimal ish haqiga to‘g‘ri keladi. Agar har yili mamlakatimizda 500 mingdan ziyod bola to‘g‘ilishini inobatga olsak faqat shu yo‘nalish bo‘yicha qancha mablag‘ to‘lanishini tasavvur qilish qiyin emas.
  
• 
  16 yoshgacha bolasi bor oilalarga to‘laydigan nafaqa. Ushbu nafaqaning miqdori to‘rtta va undan ortiq bolasi bor oilalar uchun minimal ish haqiga nisbatan 1,5 barobarni tashkil qiladi. Mazkur nafaqa bolaning ota-onasi oladigan daromadiga bevosita bog‘liqdir.
  

Ikkinchi yo‘nalish bo‘yicha, ya'ni bolalarga bilvosita to‘lanadigan nafaqalarga quyidagilarni kiritish mumkin:

• 
  bola ikki yoshgacha to‘lgunchani tarbiyalayotgan kishiga ish joyi
  

saqlanib qolgan holda unga nafaqa to‘lanadi;

• 
  ko‘p bolali kam ta'minlangan oilalarga mahalla qo‘mitalari orqali to‘lanadigan nafaqa, ya'ni moddiy yordam. Buning miqdori 1,5 dan 3 minimal oklad miqdorigacha belgilanishi mumkin.
  

Bunday to‘lovlar millatimizning qadriyatlariga tayangan holda amalga oshiriladigan, dunyoda yagona tartib asosida amal qilinadigan tadbirdir. Bu mahallalarning o‘z-o‘zini boshqarish va demokratik jarayonlarni amalga oshirish istiqboliga qo‘yilgan dastlabki qadamlardir.