Ayni paytda «Hududiy elektr tarmoqlari» aj tassarufida 023 yil yanvar holatiga

yuridik iste’molchilar – 388,3 ming ta;
maishiy iste’molchilar (aholi) – 7,8 mln. kishi
«Farg‘ona hududiy elektr tarmoqlari korxonasi» AJda ishlab chiqarish imkoniyatlari kengaymoqda
“Hududiy elektr tarmoqlari” Aksiyadorlik jamiyatining tashabbusi bilan energotizimning Farg‘ona viloyatidagi ishlab chiqarish imkoniyatlarini yanada kengaytirish maqsadida, “Farg‘ona hududiy elektr tarmoqlari korxonasi” AJda sip armatura ishlab chikarish sexi tashkil kilinib, yangi ish o‘rinlarini yaratish rejalashtirilmoqda. 
Ishlab chiqarish istiqbollarida R-645, RA-1500, ES-1500, R-70, DN-1 markadagi siparmaturalar ishlab chiqarilishi belgilangan bo‘lib, buning natijasida davlat dasturlari ehtiyojlarini to‘liq qoplash ko‘zda tutilgan, shuningdek dasturlar ehtiyojlaridan tashqari ishlab chiqariladigan yuqoridagi mahsulotlar davlat shartnomaviy xizmatlari orqali iste'molchilarga texnik xizmat ko‘rsatish bo‘yicha ham yetkazib berilishi ko‘zda tutilgan.
Birlamchi hisob-kitoblarga qaraganda, O‘zbekiston Respublikasi Prezidentining 2016 yil 23 noyabrdagi “2017-2021 yillarda past kuchlanishli elektr tarmoqlarini modernizatsiya va yangi qurilish dasturi to‘g‘risida”gi PK-2661-son qarori hamda “Obod qishloq” va “Obod mahalla” davlat dasturlari ijrosi doirasida sip armaturalarning turlari bo‘yicha ehtiyoj 150 000 dan ziyodni tashkil etayotgan bir paytda, sip-armaturalar ishlab chiqarishni maxalliylashtirish tufayli korxonaning moliyaviy faoliyatiga yillik 1,5 mlrd. so‘mdan ortiq sof foyda olish hamda olingan foydani kelgusi yil ishlab chiqarish samaradorligini oshirishga hamda mahsulot hajmini ko‘paytirish orqali qo‘shimcha yangi ish o‘rinlarini yaratish kutilmoqda. 
Avval xabar berilganidek, hozirda “Farg‘ona hududiy elektr tarmoqlari” AJ qoshida temir-beton tayanchlarini ishlab chiqarish sexi tashkil qilingan bo‘lib, unda SV-95 -2.0 SV -110-3.5 markasidagi kunlik 30 dona ish hajmiga ega temir-beton tayanchlar ishlab chiqarilmokda. 
Korxonaning yillik ehtiyoji 16 000 dan oshik temir-beton tayanchlarni tashkil qilinishini hisobga olganda, sexning yillik ishlab chiqarish hajmi korxonaga 5 mlrd. so‘mdan ziyod iqtisodiy daromad olib keladi.
Hozirgi kunda sexda ishlab chiqarilayotgan tayanchlar davlat dasturlari ijrosini ta'minlashdan tashqari, davlat shartnomaviy xizmatlari orqali iste'molchilarga texnik xizmat ko‘rsatish bo‘yicha ham yetkazib berilishi yo‘lga qo‘yilgan.
Bundan tashqari, jamiyat qoshida faoliyat ko‘rsatayotgan elektr uskunalarini ta'mirlash sexida barcha turdagi elektr tarmoqlariga xizmat ko‘rsatadigan uskunalar ta'mirlanmoqda. Hozirgi kunda sexda OG-1, OG-2, M-1, M-3 va SIP-XOMUD markasidagi temir qurilmalar tayyorlanib, ushbu qurilmalarni tayyorlashda zamonaviy tokarlik dastgohlaridan foydalanilmoqda. 

Temir qurilmalarga bo‘lgan yillik ehtiyojga qarab 25 000 donadan ziyodligi hisobga olinganda, korxonaga iqtisod qilinadigan mablag‘ 2 mlrd. so‘mni tashkil qilmoqda. 
Xulosa o‘rnida shuni aytish joizki, korxonaning asosiy ehtiyojlari sifatida ishlatiladigan mahsulotlar korxonaning o‘zida ishlab chiqarilib, daromad turlari kengaymoqda. 
O'zbekiston 2030 yilga qadar elektr energiya ishlab chiqarilishida qayta tiklanuvchi energiya manbalari ulushini hozirgi 10 foizdan 25 foizga yetkazishni maqsad qilgan.
Elektr energiyasini an'anaviy usullar yordamida ishlab chiqarish allaqachon urfdan qolmoqda. Barcha sohalar qatori ushbu tarmoqda ham eng zamonaviy texnologiya, innovatsiyalarni qo'llash davr talabiga aylangan. Bu, o'z navbatida, atrof-muhitga zarar yetkazmaydigan, inson salomatligi uchun xavfsiz bo'lgan ekologik toza elektr energiyasini hosil qilish imkonini yaratadi.
Tabiiy resurslarga boy bo'lgan mamlakatimizda keyingi yillarda energetika sohasini isloh qilishda yangicha echim va texnologiyalarga katta e'tibor qaratilayotgani bejiz emas. Ayni paytda O'zbekistonda ishlab chiqarilayotgan elektr energiyasining qariyb 90 foizi ko'mir, tabiiy gaz va boshqa neft` mahsulotlarini yoqish evaziga olinadi. Bu ortiqcha yo'qotishlar talab etish bilan birga, atrof-muhitga zarar yetkazmasdan qolmaydi.
To'g'ri, insoniyat taraqqiyotida kishilarning energetikaga bo'lgan ehtiyoji ularni tabiiy manbalar — o'tin, ko'mir, torf va boshqa yoqilg'ilardan foydalanishga majbur qildi. Bu usul hozir ham energetika olishning eng tezkor, aniq va vaqt sinovidan o'tgan yechimi sanaladi. Hatto, ana shu tabiiy boyliklarning qanchalik ko'pligi davlatlarning energetika sohasi rivojini belgilaydi.
O'tgan asrning 2-yarmidan boshlab dunyoda elektr energiyasiga bo'lgan ehtiyojning ortishi hamda bu sohada ilm-fanning taraqqiy etishi uning muqobil usullarini rivojlantirishga ham yo'l ochdi. Bunda suv, shamol, quyosh kabi qayta tiklanuvchi energiya manbalari hisobiga ekologik toza elektr energiyasi olish ko'zda tutiladi.
Oxirgi 3-4 yilda qulog'imizga tez-tez chalinayotgan “yashil energiya”, “muqobil energiya” tushunchalarining har ikkisi qayta tiklanuvchi energiya so'ziga ishora qiladi. Ma'lumotlarga ko'ra, “yashil energiya”ning asosini Yer yuzidagi hayot manbai bo'lgan Quyosh tashkil qiladi. Shamol, suvning tabiatda erkin aylanishi va boshqa iqlim sharoiti bilan bog'liq jarayonlarning barchasi galaktikamiz markaziy sayyorasi — Quyoshning faolligi hisobiga amalga oshadi. U qayta ishlangani tufayli “qayta tiklanuvchi”, ekologiyaga deyarli zarari bo'lmagani uchun esa “yashil energiya”, deb ta'riflanadi.
O'zbekiston 2030 yilga qadar elektr energiya ishlab chiqarilishida qayta tiklanuvchi energiya manbalari ulushini hozirgi 10 foizdan 25 foizga etkazishni maqsad qilgan. Bu Prezidentimizning 2019 yil 22 avgustdagi “Iqtisodiyot tarmoqlari va ijtimoiy sohaning energiya samaradorligini oshirish, energiya tejovchi texnologiyalarni joriy etish va qayta tiklanuvchi energiya manbalarini rivojlantirishning tezkor chora-tadbirlari to'g'risida”gi qarorida ham o'z ifodasini topgan. Bunday natijalarga erishish uchun energetika vazirligi tomonidan qayta tiklanuvchi energetikada yirik loyihalarni amalga oshirish bo'yicha faol harakatlar boshlangan. Yangi energiya manbalarini topish, qayta tiklanuvchi quvvatlar samaradorligini oshirish hamda ularni energiya tizimida qo'llash ko'lamini kengaytirish maqsadida Jahon banki, Osiyo taraqqiyot banki hamda Yevropa tiklanish va taraqqiyot banki ko'magida to'g'ridan to'g'ri xoriiy investitsiyalar hisobiga yirik loyihalar amalga oshirilmoqda.