Bala tárbiyasinda oyinshiqtiń ahimiyiti

BALA TÁRBIYASINDA OYINSHIQTIŃ AHMIYETI
REJE:
1. Oyınshıq túrleri.
2. Oyınshıqqa qoyılatuǵın talaplar.

Kópshilik balalar oyınları hár túrli oyınshıqlardan paydalanıw menen baylanıslı. Oyınshıq bala ómiriniń joldası, onıń quwanıshı deregi bolıp tabıladı. Ol tek ǵana oyın quralı emes, bálki balalar oyınında serik, dos, úlkenler qolında bolsa tárbiyanıń zárúrli qurallarınan biri. Oyınshıq oyın jaratıwda qatnasadı, balanıń ayriqsha sherigi sipatinde kórinetuǵın boladı, onıń shaxsına úlken tásir ótkeredi. Ol balaǵa sonshelli jaqın, bala óz oyınshıqların súyedi, olarǵa baylanısıp qaladı, sol sebepli ol ózin átiraptaǵı turmıstıń tolıq aǵzası dep esaplaydı.

Tuwrı saylanǵan oyınshıqlar balanıń aqiliy rawajlanıwına járdem beredi. Xalıq pedagogikasında oyınshıqlardıń pútkil bir sisteması islep shıǵılǵan. Olar menen ámelge asırilatuǵın oyınlar balanıń sensor qábiletlerin rawajlanıwǵa qaratılǵan.
"Jaslardıń ruwxıy álemin balalıqtan baslap iygilikli ideyalar tiykarında qáliplestiriw hám kámal taptırıw haqqında gáp barǵanda, zárúrli bir másele haqqında toqtalıp ótiw orınlı dep oylayman. Ol da bolsa, dúnyaǵa tańlanıw kózi menen qarap, odan ózgeshe mánis tabıwǵa umtılıp atırǵan kishkentay perzentlerimizdiń qızıǵıwshılıǵı sezimlerine uyqas quwırshaq hám oyınshıqlardı islep shıǵarıw máselesi.
Bir qaraǵanda bul mashqala arzımas zat bolıp seziliwi múmkin. Leykin hár qaysı gódek dáslepki bar álemdi óz átirapındaǵı oyınshıqlar arqalı ańǵarıwın inabatqa alatuǵın bolsaq, olardıń insan tárbiyasındaǵı ornı júdá úlken ekenligi belgili boladı.
“Perzentlerimiz milliy ónermentshiligimiz tiykarında jaratılǵan oyınshıqlardı oynasa, olardıń tárbiyasına unamlı tásir etken bolar edi” degen pikirdi mámleketimizdiń Birinshi Prezidenti I.A Karimov "Joqarı mánawiyat - jeńilmes kúsh" shıǵarmasında aytıp otedi (156 bet). Haqıyqattan da, gódektiń úlkeyip keleshekte qanday joldan barıwı óziniń turmıs tárizin qanday ádep-ikramlilıq mánawiy tiykarlarǵa qurıwı da onıń balalıqta qanday oyınshıqlar oynaǵani menen belgilenedi. Hár bir xalıqtıń oyınshiǵi óziniń pedagogikalıq kórkem hám ámeliy dástúrıne iye esaplanadı. Oyınshıq hámme millet xalıqlarına húrmet sezimin tárbiyalawı kerek. Oyınshıqqa tómendegi talaplar qoyıladı: