Bala tárbiyasinda oyinshiqtiń ahimiyiti

Pedagogikalıq talap. Oyınshıq obrazı hám mazmunınıń bala tárbiyasına muwapıqlıǵı, jámiyetimiz ideyasına sáykes keliwi, ideologiyaliq tárepten qımbatlı bolıwı pedagogikalıq talaptıń zárúrli belgisi esaplanadı. Oyınshıq balada ullı sezimlerdi oyatıwı, basqa millet balaları menen dos sıpatında munasábetlerdi tárbiyalaw, haqıyqatlıqqa salıstırǵanda ullı sezimler oyatıwı, unamlı etikalıq tájiriybe toplawǵa járdem beriwi kerek. Balanıń aktivlikke bolǵan umtılıwın qanaatlanıwı jáne onı oyatıwı kerek. Obrazlı oyınshıq real haqıyqattı biledi, buyım, onıń qásiyetleri hám turmıstaǵı áhmiyetin sáwlelenedi.
Gigiyenaliq talaplar. Oyınshıq qanday materialdan hám reńnen tayarlanǵanliǵi, balaniń turmisina hesh qanday xawip salmawi, jaqsi tazalaniwi mumkinligi tiykarǵi talaplardan esaplanadi. Bala oyınshıqtı júdá kóp awızına aladı, usınıń sebepinen oǵan oyınshıqtı awızına salmawdi aytiw kerek.
Oyınshıqlar gigienaliq tárepten ańsat tazalanatın etip islenıwı kerek.
Kórkem talaplar. Forma, boyaw hám bezewlerdiń hár tárepleme uyqas boliwi, bir-birin reń hám forma tárepten toltırıp, aytıp, oyınshıqtıń kórkemligin sawlelendiredi. Oyınshıqlardıń dúzilisi hám bezeliwi balalardıń túrli jas basqıshlarında aqıl etiw qásiyetlerine tolıq uyqas keliwi kerek.
Dúris saylanǵan oyınshıq - balanıń fizikalıq, etikalıq, aqiliy hám kórkem-estetikaliq tárbiyası rawajlanıwına unamlı tásir kórsetedi. Balanı aqiliy tárepten tárbiyalawda didaktikaliq oyınshıqlardıń pútkil bir sisteması úlken áhmiyet kásip etip, sensor hám sóylew rawajlanıwına tásir etedi, pikirlew processleri hám dıqqatın tárbiyalaydı, buyım jáne onıń qásiyetlerine, qurılısına bolǵan qızıǵıwshılıq qáliplesedi, bilimi, túsinikleri bayip baradı.
Oyınshıq balanı quwantiradi, átiraptaǵilarǵa salıstırǵanda unamlı munasábet payda etedi, birge oynaw sezimin oyatadı hám unamlı sezimlerdi quram taptiradi. Etikalıq sezimlerdi qáliplestiriwde quwırshaq zárúrli áhmiyetke ega. Milliy quwırshaq balalardı basqa milletke tiyisli bolǵan qatarlaslarına bolǵan unamlı munasábetin tárbiyalaw dereklerinen esaplanadı. Kórkem ónerdiń birinshi jaqtı obrazlı hám eń túsinikli buyımı bolǵan oyınshıq estetikaliq sezimler hám keshinbelerdi oyatadı, estetikaliq tárbiyanı toplawǵa járdem beredi hám kórkemlikti qáliplestiradi. Sol orında balalarǵa jaqın hám túsinikli bolǵan xalıq oyınshıqlarınıń áhmiyetin bólek atap ótiw kerek.
Oyınshıq balalardı túrli reń-bereń háreketlerge shaqiradi hám balanıń aktiv háreketke bolǵan zárúriyatı payda boladi. Operativ juwap reaksiyasın, háreketlerdiń anıqlıǵı hám muwapıqlastiriwin rawajlantiradi.