Bala tárbiyasinda oyinshiqtiń ahimiyiti

Oyınshıqlardıń tiykarǵı túrleri. Oyınshıqlar teması, forması, dúzilisi, qanday materialdan tayarlanǵanlıǵı, balalar oyınlarında qanday maqsetlerde shuǵıllanıwına kóre hár túrli.
Házirgi pedagogikalıq ádebiyatlarda oyınshıqlar tómendegi túrlerge bólinedi:
1. Syujetli, syujetli-obrazlı oyınshıqlar.
2. Didaktikaliq oyınshıqlar.
3. Háreketli hám sport oyınlarında paydalanilatın oyınshıqlar.
4. Qurıw - jasaw oyınshıqlari.
5. Ermek oyınshıqlar.
6. Texnikalıq oyınshıqlar.
7. Sport -motorlı oyınshıqlar.
Dáslepki jastaǵı balalarǵa mólsherlengen kóp oyınshıqlar (shaqqildaqlar, rezina topshalar, formashalar hám basqalar) balada kóriw hám esitiw dıqqatın rawajlantıradı, ustaw háreketleri hám buyımlı háreketlerdi ósiriwge járdem beredi.
Syujetli-obrazlı oyınshıqlar syujetli-rolli oyın ushın paydalaniladi. Ol balalarda unamlı xarakter qırların, mulalpayimliq, ǵamxorlıq, járdem beriwge mútajlik, sonıń menen birge úlkenler miynetine húrmet hám qatarlasları menen oynay alıw ilimiy tájriybelerin tárbiyalaydi.
Didaktikaliq oyınshıqlardıń tiykarın xalıq oyınshıqları quraydı. Olardı oynawda bala óz-ózin qadaǵalaydi. Hár túrli mozaykalar sensor qábiletlerin rawajlantiradi. Olardaǵı oyın wazıypası naǵıslar, súwretlerdi tańlaw hám jaylastırıwdan ibarat.
Háreketli oyınlarǵa mólsherlengen oyınshıqlar: suw, qum menen oynalatin oyınshıqlar, jińishke arqanlar, shamberekler hám basqalar. Olardıń tiykarǵı waziypası balalardı fizikalıq tárepten tárbiyalaw.
Qurıw - jasaw oyınshıqları balalardaǵı qurıw-jasaw qábiletlerin rawajlantıradı hám de dóretiwshilikke umtılıwǵa oyatadi. Bul oyınshıqlardı oynaw buyımnıń tiykarǵı wazıypalarına eliklew imkaniyatın jaratılması kerek (avtomobilde dóńgelekler háreketleniwi, qapı ashılıwı). Qurılıs materialları menen oynalatin oyınshıqlardıń tiykarǵı 2 túri ámeldegi:
a) kublar, prizmalar, konuslar, piramida, clindrlar, plastinkalar, geometriyalıq figuralar kompleksi;
b) turli blok - diywal, kolonka, tóbe, ark hám basqa arxitektura hám qurılıs materialları. Mayda (stol oyınları ushın) hám iri (polda hám maydanshada) oynawǵa mólsherlengen bul qurılıs materiallarınıń reńi hár túrlı bolıwı múmkin.