Банкларда фойда ва зарарлар ҳисоби

SHuningdek, quyidagilarni ta’minlash maqsad qilib qo’yilgan: 
1. hisob-kitob, kassa, valyuta, kredit hamda boshqa bank operatsiyalarini to’g’ri 
bajarish hamda ularni buxgalteriya hisobi va hisobotida o’z vaqtida va aniq aks 
ettirish; 
2. bank aktivlari, majburiyatlari, daromadlari va xarajatlari hamda kapitali holati 
va ulardagi o’zgarishlar to’g’risida ishonchli ma’lumotlar to’plash;
3. bankning moliyaviy holati, moliyaviy holatidagi o’zgarishlar va moliyaviy 
natijalari to’g’risidagi va bank rahbariyati faoliyatiga baho beruvchi moliyaviy 
hisobotlarni tuzish uchun xizmat qiluvchi axborotlar tizimini yaratish;
4. bank ish kuni tartibiga qat’iy rioya qilish, mijozlarga tez va aniq xizmat 
ko’rsatish;
5. hisob-kitoblardagi mablag’lar aylanishini tezlashtirish; 

---

~ 12 ~ 
6. bankdan chiqayotgan hujjatlarni tegishli tarzda rasmiylashtirish va buning 
natijasida ulardan foydalanishni osonlashtirish, shuningdek, boshqa banklarda 
ushbu hujjatlar bilan operatsiyalar bajarilishini hamda ular tomonidan xizmat 
ko’rsatuvchi mijozlarning operatsiyalari hisobini yuritishni belgilangan 
talablarga muvofiqlashtirishni tashkil etish; 
7. bankdagi pul mablag’lari, moddiy qimmatliklar, shuningdek, qat’iy hisobda 
turuvchi blankalar kamomadi yoki ortiqchaligiga yo’l qo’ymaslik hamda 
belgilangan tartibda ularning saqlanishini tashkil etish; 
8. operatsiyalarning qonuniyligi hamda to’g’riligini doimiy ichki nazorat va 
auditdan o’tkazish, ularning natijalari bo’yicha ma’lumotnomalar tuzish va 
rasmiylashtirish imkoniyatini yaratish; 
9. zamonaviy kompyuter texnikasi vositalaridan foydalangan holda bank 
operatsiyalari hisobini dasturiy amalga oshirish, hisob ishlarini yuritish hamda 
hisobotlar tuzishda mehnat va mablag’ sarfini qisqartirish. 
Banklarda buxgalteriya hisobining ob’ektlari bo’lib qo’yidagilar 
hisoblanadi: 

yuridik va jismoniy shaxslardan pul hujjatlarini qabul qilish va ularni 
buxgalteriya hisobida aks ettirish; 

hisob-kitob hujjatlarini qabul qilish; 

o’z muddatida qaytarilmagan bank kreditlarini hisobini yuritish; 

muddatli majburiyatlarning hisobi; 

banklararo muomalalar bo’yicha va filiallararo oborotlar hisobi; 

turli punktlardagi to’lovchi va oluvchilarning mablag’lari hisobi; 

berilgan kreditlar hisobi. 
SHuningdek, buxgalteriya hisobining ob’ekti bo’lib asosiy vositalar, 
nomoddiy aktivlar, materiallar, kassadagi pul mablag’lari, qimmatli qog’ozlar, 
qimmatli materiallar, chet el valyutalari va ular bilan amalga oshiriladigan 
muomalalar, byudjet bilan bo’ladigan hisob-kitoblar, kapital qo’yilmalarni 
moliyalashtirish, bankning daromadlari va xarajatlari va boshqalar. 

---

~ 13 ~ 
Buxgalteriya hisobining ob’ektlarini hisobda aks ettirish va bank faoliyatining 
asosiy ko’rsatkichlarini hisoblash uchun zarur bo’lgan ma’lumotlarni olish uchun 
ularga o’lchov birligi (natura, mehnat va pul) qo’llaniladi.