Baslawish klasslarda teris emes pu`tin sanlardi nomerlewdi oqitiw metodikasi

2 
Baslawish klasslarda teris emes pu`tin sanlardi nomerlewdi oqitiw metodikasi. 
 
Joba: 
1. Nomerlewdi u`yreniwdin` uliwma ma`seleleri. 
2. Nomerlew tiykarinda matematika oqiw materialin jaylastiriwdin` o`zgeshelikleri. 
3. Ha`r qiyli kontsentrlerde sanlardi nomerlew. 
4. Oqiwshilarda natural san tu`sinigin qa`liplestiriw. 
 
1. Nomerlewdi u`yreniwdin` uliwma ma`seleleri. 
 
Respublikada kadrlar tayarlaw milliy da`stu`rinin` islep shig`iliwi, onin` ken` analiz qiliniwi ha`m 
Joqari ken`estin` 9 –sessiyasinda kadrlar tayarlaw milliy da`stu`rinin` tastiyiqlaniwi, Prezident 
I.A.Karimovtin` sessiyadag`i ta`limin rawajlandiriw ha`m strategiyaliq bag`darlarin belgilep 
beriwshi so`zi xaliq ta`limi dizimindegi en` kerek waqiya bolip esaplanadi. 
Kadrlar tayarlaw milliy da`stu`rin a`melge asiriwdin` muhim sostavli bo`limlerinen biri 
bilimlendiriwdi standartlastiriw, zamanago`y test texnologiyalari tiykarinda bilimlendiriw 
protsessindegi sipatli ko`rsetkishlerdin` monitoring dizimin jaratiw bolip esaplanadi. 
Sonin` ushin baslawish klass ta`liminin` da`stu`rin, sabaqliqlarin ha`m jumis ta`rtiplerin qayta ko`rip 
shig`iw za`ru`rligi kelip shig`adi. A`sirese, baslawish ta`lim predmetleri ishinde matematikani oqitiw 
tiykarg`i orin tutadi. Matematika da`stu`ri o`z ishine da`slep natural sanlar menen to`rt arifmetikaliq 
a`meldi orinlawdi aladi. Bul matematikanin` yadrosin quraydi. Sonin` menen birge algebra ha`m 
geometriyanin` tiykarg`i tu`sinikleri, tiykarg`i mug`darlar kiritilgen, olar arifmetikaliq a`meller 
menen za`ru`riy orinda qosip oqitiladi. 
Teris emes pu`tin sanlardi nomerlew ha`m olar u`stinde arifmetikaliq a`meller orinlaw baslawish 
klass matematika kursinin` tiykarin quraydi. Og`an qosilip algebra ha`m geometriya elementleri 
oqitiladi. Da`stu`rde natural sanlar ha`m 0 haqqindag`i mag`liwmatlardi a`ste aqirin oniliq, ekinshi 
onliq, ju`zlik, min`liq ha`m ko`p xanali sanlar kontsentrleri kiritiw na`zerde tutiladi. Bul onliq sanaq 
sistemasinin` o`zgeshelikleri menen awiz eki ha`m jazba nomerlewdi qayta-qayta qollaniw arqali 
beriledi. 
Birinshi onliq nomerlewde 1-10 sanlarin sanaw, nomerlerdi aytiw, izbe-izliktin` u`lken-kishiligin 
o`zlestiriw na`zerde tutiladi. 1-onliq penen 0 sani qosilip u`yretiledi. Ol bos ko`pliktin` 
xarakteristikasi sipatinda berilgen. Nomerlew dawaminda 11-20, keyin 21-100 ishinde sanlardi 
nomerlew qaraladi. 1, 2,… onliqlardi payda etiw birgelikte onliqlardi yag`niy onliq sanaq 
sistemasinin` mazmini tu`sindiriledi. Keyingi klasslarda 100 ishinde, 1000 ishinde ha`m ko`p xanali 
sanlar jazba ha`m awizeki nomerlew, arifmetikaliq a`meller orinlaw komponentlerinin` atlarin 
u`yretiwler a`melge asiriladi.