Belgilash usuli

θ_i.dop = θ_k.dop = 0.25*t₀ .

Qabul qilinayotgan impulslarning parchalanishida xatosiz to‘g‘ri qabul qilish sharti quyidagicha bo‘ladi

∑τ_dr ≤ 0.5*t₀ .

Ko‘rib chiqilgan ikki usulni va bu usullarda xatosiz ro‘yxatga olish shartlarini o‘zaro solishtirib, quyidagi xulosani chiqarish mumkin. Belgilash usuli impulslarning chetlari buzilishida to‘g‘ri qabul qilishni ta’minlaydi, lekin impulslarning parchalanib buzilishlarida yaxshi natija bermaydi. Ro‘yxatga olishning integral usuli impulslarning parchalanib buzilishlarida yaxshi natija beradi, lekin chetlari buzilishlarida yaxshi natija bermaydi. Ya’ni bu ikki usul ikki xil buzulishlarda qarama-qarshi natijalarni beradi.

Yuqoridagilarni inobatga olib quyidagi xulosani qilish mumkin. Belgilash usulini impulslarning chetlari buzilishi parchalab buzilishiga nisbatan ko‘p bo‘lgan simli aloqa liniyalarida qo‘llash maqsadga muvofiq bo‘ladi. Integral usulini impulslarning parchalab buzilishlari cheti buzilishiga nisbatan ko‘p bo‘lgan radio aloqa liniyalarida qo‘llash maqsadga muvofiq bo‘ladi.
Nazorat uchun savollar.
1. Diskret signal elementlarni ro‘yxatga olish deb nimaga aytiladi?
2. Diskret signal elementlarni ro‘yxatga olishda nimalarni bilish zarur?
3. Diskret signal elementlarni ro‘yxatga olishning belgilash usulini tushuntirib bering.
4. Diskret signal elementlarni ro‘yxatga olishning integral usulini tushuntirib bering.
5. Diskret signal elementlarni ro‘yxatga olishning belgilash va ntegral usullarini o‘zaro solishtiring.
6. Diskret signal elementlarni ro‘yxatga olishning belgilash va ntegral usullarini qo‘llash doirasini ko‘rsating.