Бердақ атындағы Қарақалпақ мәмлекетлик университети «Электр техникасы ҳәм метрология» кафедрасында алып барылатуғын руӯхыйлық ҳәм ағыртыӯшылық жумысларының гезектеги

Тыңланды: 23-декабрь куни физика факултети «Электр техникасы ҳәм метрология» кафедрасы «Жас энергетиклер» дөгереги тәрепинен 22-декабрь «Халық-аралық энергетиклер күни» мүнәсибети менен «Кәсибим - мақтанышым» ураны астында байрам кешеси өткерилди. Байрам кешесине Физика факультетиниң профессор-оқытыӯшылары, студент жаслары ҳәм қәниге мийманлары қатнасты. Физика факультети деканы Абат Муратов ҳәм Электр техникасы ҳәм метрология кафедра баслығы Камал Реймовлар байрам менен қутлықлап ҳәм байрам кешемизди ашып берди.
Таңлаӯда студент жаслардың мийнетлерин тараӯдың ири ислеп шығарыӯ кәрханаларынан келген жетекши қәнигелер; Тақиятас ЖЭС АЖ кадрлар бөлими баслығы С.Есемуратов, Узэнергоинспекция ҚР аймақлық бөлими жетекши инженери Ш.Турсынбаев ҳәм НУКУСЭЛЕКТРОАППАРАТ қоспа кәрханасы жетекши инженери Ж.Узақбаевлар ҳәм факультетимиз профессор-оқытыӯшыларынан физика-математика илимлери докторы, профессор Қанатбай Исмаилов, техника илимлериниң докторы, профессор Марат Тагаев ҳәм Электр техникасы ҳәм метрология кафедрасы доценти Юнус Бабажановлар әдил баҳалап берди. Таңлаӯ соңында «Электр техникасы ҳәм метрология» кафедрасы тәрепинен 22-декабрь «Халық-аралық энергетиклер күни» мунәсибети менен «Кәсибим - мақтанышым» ураны астында таңлаӯ нәтийжелери жәрияланып, уш номинация “Ең жақсы доклад ийеси”, “Ең жақсы инновациялық идея ийеси” ҳәм “Ең жақсы макет” бойынша жеңимпазлар сыйлықланды. Факультет профессор-оқытыӯшылары, жетекши қәниге мийманлар ҳәм «Электр техникасы ҳәм метрология» кафедра баслығы Абубакиров Азизжан Базарбаевич студент жасларға бундай машақатлы кәсип ийелери болыӯында, кәсибинен камал табыӯын ҳәм өзиниң ийгиликли ислерин байрам кешесине тилеп байрам кешемизди жабық деп жәриялады.


Күн тәртибиндеги бул мәселе бойынша кафедра мәжилисиниң
ҚАРАР Ы
Кафедра баслығы 22-декабрь «Халық-аралық энергетиклер күни» мүнәсибети менен байрам көшеси қанаатландырарлы өткерилди деп есаплансын.