14-statya. Joqarı bilim beriw
Joqarı bilim beriw joqarı mamanlıqtaǵı qánigelerdi tayarlawdı támiyinleydi.
Joqarı maǵlıwmatlı qánigeler tayarlaw joqarı oqıw orınlarında (universitetler, akademiyalar, institutlar hám joqarı mektepler, basqa da bilimlendiriw mákemeleri) orta arnawlı, kásip-texnikalvıq bilim tiykarında ámelge asırıladı.
Joqarı bilim beriw tómendegidey eki basqıshta ámelge asırıladı:
Birinshi – bakalavriat oqıw múddeti keminde tórt jıl bolǵan hám joqarı bilimlendiriw baǵdarlarınıń biri boyınsha bazalıq, irgeli bilim beretuǵın joqarı bilim beriw basqıshı.
Ekinshi – magistratura keminde eki jıl dawam etetuǵın hám anıq qánigelik boyınsha bakalavriat tiykarında joqarı bilim beretuǵın basqısh.
Puqaralar ekinshi hám onnan keyingi joqarı maǵlıwmattı oqıw ornınıń basshılıǵı menen dúzilgen ekitáreplilik shártnama tiykarında alıw huqıqına iye.
Do'stlaringiz bilan baham: |