Bilimlendiriw mekemeleri ha’m sho’lkemlerinde marketing xizmetin basqariw Joba

. Bilimlendiriw mekemeleri ha’m sho’lkemlerinde marketing xizmetin basqariw

Joba:

1) Bilimlendiriw tarawinda marketing – qa’niyge kadrlar tayarlawg’a bolg’an talap ha’m za’ru’rlikti qanaatlandiriwg’a qaratilg’an xizmet ekenligi.

2) Mаrkеting xizmetinin’ qurami.

3) Tа’lim xizmetleri mаrkеtingi tu’rleri.

Marketing – insannin’ ayirbaslaw ja’rdeminde talap ha’m za’ru’rlikti qanaatlandiriwg’a qaratilg’an xizmet bolip tabiladi. Marketing quramina bazardi u’yreniw, usiniwshi bu’yirtpasina ko’re o’nimler assortimentin rejelestiriw, bazardi iyelew, reklama, tovarlar ha’m xizmetler islep shig’ariwshidan usiniwshig’a jetkizip beriw menen baylanisli isbilermenlik xizmeti kiredi. Marketing konstruktor, injiner, ekonomist ha’m basqa qa’niygelerge bazar za’ru’rlikleri menen tanisiw, usiniwshi bul o’nimnin’ qanday boliwin qa’lewi, og’an qansha haq to’lewi, ol kim ushin za’ru’rligi haqqinda pikir ju’ritiw imkanin beredi.

Bazar sharayatinda ma’kemeni basqariw marketingdi islep shig’ariw siklinin’ basina qoyadi, sebebi xojaliq qararlarin qabil qiliw tiykarinda islep shig’ariw imkaniyatlari emes, bazar talaplari, ha’ridar za’ru’rlikleri jatadi. Aqirg’i na’tiyjede ma’keme ko’lemi, ma’kemeni basqariwdin’ quramliq bo’limin, basqariw printsip ha’m usillarin, xizmet ko’rsetiw bag’darlarin bazar belgileydi.

Bilimlendiriw ma’kemelerinde marketing bo’limi waziypalarina to’mendegiler kiredi:

Ta’lim xizmetleri bazarinda bilimlendiriw ma’kemesinin’ xizmet ko’rsetiwinin’ aniq strategiyalarin islep shig’iw ha’m a’meliyatqa engiziw ushin bakalavriat bag’darlari ha’m magistratura qa’niygeleri boyinsha kadrlar tayarlaw ha’m olardi jumisqa bo’listiriw protsessin usiniwshilar (jumis beriwshiler) ta’repinen bolajaq qa’niyge shaxsina qoyilg’an talaplardi orinlawg’a bag’darlaw ha’mde bul protsesske basshiliq etiw, reklama-xabardi rejelestiriw ha’m alg’a jiljitiw ba’sekisin ta’miyinlew, pitkeriwshilerdi jumisqa bo’listiriw ha’m ornalastiriwdi a’melge asiriw ha’mde ta’lim xizmetlerin ko’rsetiwge o’z waqtinda tayarliq ko’riw, sha’rtnamalar du’ziwdi sho’lkemlestiriw ha’mde qadag’alawg’a aliwdan ibarat.

Bilimlendiriw ma’kemesi marketing bo’limi is rejesi to’mendegishe:

Ta’lim xizmeti bazarinda marketing izertlewlerin u’zliksiz a’melge asirip, ta’lim xizmetlerine qoyilg’an, yag’niy bakalavriat bag’darlari ha’m magistratura qa’niygeleri boyinsha pitkeriwshilerdin’ ka’siplik sheberligin (ta’jriybelilik sipatlarin) u’yreniw ha’mde olardin’ jumis beriwshiler (usiniwshilar) talaplarina muwapiqlig’in aniqlaw;

Respublika ekonomikasi ha’m sotsialliq taraw tarmaqlarinda bakalavr bag’darlari ha’m magistratura qa’niygeleri boyinsha ba’sekili ta’lim xizmetinin’ payda boliwina alip keliwi mu’mkin bolg’an xizmetler bazari konyukturasinin’ o’zgeriwin analiz qiliw ha’mde jan’asha rawajlaniw jollarin belgilew;

Bakalavr bag’darlari ha’m magistratura qa’niygeleri boyinsha ta’lim xizmetleri bazari ha’m konyukturasina ta’sir ko’rsetiwshi tu’rli faktorlar (segmentler) ortasindag’i o’zara baylanislardi analiz qiliw tiykarinda pitkeriwshilerdi aldinnan jumisqa bo’listiriw sistemasin sho’lkemlestiriw ha’m a’melge asiriw;

Bakalavr bag’darlari ha’m magistratura qa’niygeleri boyinsha pitkeriwshilerge talap ha’m usinislar nisbatin o’z ishine alg’an halda jumisqa bo’listiriw obiektleri ta’lim xizmetleri usniwshilari (jumis beriwshi ma’keme, tu’rli mu’lkshilik formasina iye bolg’an sho’kemler – ma’mleket ha’m ma’ha’lliy basqariw organlari, ma’malektlik ha’m ma’mlektlik emes sho’lkemleri h.t.b.) du’zilmesin bahalaw, geografikaliq jaylasiwin aniqlaw ha’m toparlastiriw, potentsial imkaniyatlarin analiz qiliw arqali toliq mag’liwmatlar bankin jaratiw;

Jariy jil pitkeriwshileri haqqinda mag’liwmatlar bankin jaratiw;

Respublika ha’m tiyisli aymaqlar (walayatlar) ekonomikasi ha’mde sotsialliq taraw tarmaqlarinin’ rawajlaniw keleshegin esapqa alg’an halda jan’a ta’lim (tayarlaw) bag’darlari yaki qa’niygeliklerin ashiw, sonin’ menen ta’lim xizmetleri bazari talaplarina juwap berimiytug’inlarin toqtatiw boyinsha usinislar tayarlaw, jeterlishe jumis beriwshige iye bolmag’an bakalavr bag’darlari ha’m magistratura qa’niygeleri dizimin aniqlaw;

Talabalar qabili ko’rsetkishlerin aniqlaw maqsetinde jumis beriwshiler (ma’keme ha’m sho’lkemler)din’ bar ta’lim (tayarlaw) bag’darlari yaki qa’niygelerge bolg’an talaplarin esapqa alg’an halda ma’melket grantlari ha’m to’lew-kontraktlari boyinsha jariy ha’m keleshek “bu’yirtpalar portfel”in qa’liplestiriw;

Joqari orin pitkeriwshilerin jumisqa bo’listiriw boyinsha komissiyani sho’lkemlestiriw, bo’listiriw komissiyasi ta’repinen jumis beriwshi ma’keme, ka’rxana ha’m sho’lkemlerdin’ kadrlarg’a bolg’an real za’ru’rliklerge muwapiq pitkeriwshilerdi jumisqa bo’listiriw rejelerin islep shig’iw ha’m juwmaqlawshi bo’listiriwdi o’tkizib, onin’ na’tiyjeleri boyinsha pitkeriwshiler jeke bo’listiriw qaydnamasin du’ziw ha’mde uliwmalastiriw;

Joqari oqiw orni pitkeriwshilerin jumisqa bo’listiriw boyinsha komissiyasi xizmeti ushin za’ru’r bolg’an bakalavr bag’darlari ha’m magistratura qa’niygeleri boyinsha ha’r bir pitkeriwshilerdin’ reytingi ha’m ta’jriybelilik sipatlari haqqinda tavsifnama, pitkeriwshilerdin’ qaysi ma’keme, sho’lkem yaki ka’rxanada islewin qa’lewine tiyisli anketa sorawlari na’tiyjeleri ha’m jumis beriwshilerden ka’rxana yaki sho’lkemdegi bar bolg’an miynet ha’mde turmisliq-ma’deniy sha’rt-sharayatlar, jumis haqi mug’dari haqqindag’i mag’liwmatlardi tayarlawdi;

Pitkeriwshilerdi jumisqa bo’listiriw ha’m olardin’ jaylasiwina tiyisli ba’rshe za’ru’riy hujjetlerdi tayarlaw, rasmiylestiriw ha’m pitkeriwshilerge tapsiriw;

Bolistiriw komissiyasi ta’repinen jumisqa bo’listirilgen jas qa’niygelerden tu’sken arzalardi ko’rip shig’iw ha’m sheshim qabil qiliw, za’ru’r ha’m tiykarlang’an jag’daylarda qayta bo’listiriw yaki erkin jumisqa ornalastiriw protsessin a’melge asiriw ushin institut komissiyasina usinis etiw;

Jumisqa bo’listirilgen ha’m ornalasqan pitkeriwshilerden jumisqa jiberilgenlik haqqindag’i jollanbalardin’ bolg’ani toliq qabil qilip aliw ha’m olardin’ bo’listiriw ha’m qayta bo’listiriw ha’mde qa’niygeligi boyinsha ka’rxanalar ha’m sho’lkemler kesiminde jumisqa jaylasiwi haqqinda toliq juwmaqlawshi mag’liwmatlar bankin jaratiw;

Jariy jilda ha’m o’tken jillar dawaminda jumisqa ornalasqan jas qa’niygeler menen qayta baylanislar ornatiw, za’ru’r jag’daylarda olarg’a ameliy-teoriyaliq ja’demler ko’rsetiw, ma’sla’ha’tler beriw ha’mde miynet xizmeti na’tiyjelerin uliwmalastiriw;

Jan’a oqiw jili qabili rejesinin’ orinlaniwi (ma’mleket grantlari ha’m to’lew-kontraktlari boyinsha qabil rejesi, tu’sken arzalar, konkurs, qabil qiling’ab talabalar sani, olardin’ kurslar, ta’lim bag’darlari (qa’niygelikler) boyinsha bo’listiriliwi, oqitiw tilleri h.t.b.) haqqinda mag’liwmatlar bankin jaratiw;

Jan’a oqiw jilinda ma’mlekt grantlari tiykarinda qabil qiling’an talabalar menen institut ortasinda oqiwdi tamamlag’annan son’ jumisqa bo’listirilgen orninda 3 jil islep beriwi haqqinda eki ta’repleme sha’rtnamalar du’ziw;

Talabalardin’ islep shig’ariw ha’m diplom aldi a’meliyati bazalarin aniqlaw maqsetinde ka’rxanalar, sho’lkemler ha’m jeke xojaliqlar menen baylanislar ornatiw ha’mde sha’rtnamalar du’ziw, jumis beriwshilerdin’ pitkeriwshiler haqqindag’i pikirleri ha’m ta’lim sipatin u’yreniwge tiyisli usinislari tiykarinda a’meldegi ta’lim mazmunina belgili o’zgertiriwler kiritiw boyinsha usinislar tayarlaw;

Bakalavr bag’darlari ha’m magistratura qa’niygeleri boyinsha talabalardin’ ka’siplik sheberligin asiriw ha’m pitkeriwshilerdi jumisqa bo’listiriw barisinda joqari ta’lim mekemesinin’ tiyisli bo’limleri (tu’rli ilimiy-a’meliy ken’esler, ilimiy, oqiw-uslibliq bo’limler, fakultetler, kafedralar h.t.b.) menen hamkarliq qiliw, olar ta’repinen a’melge asirilg’an is-ila’jlar na’tiyjeliligin analiz qiliw ha’m bahalawda qatnasiw, uliwma marketing siyasatin a’melge asiriwda ba’rshe tiyisli bo’limler xizmetin muwapiqlastiriw;

Jumis beriwshilerge xabarlar ja’rdeminde ta’sir ko’rsetiw jollarin tan’law, massaliq xabar qurallari (gazetalar, jurnallar, radio-televideniye, elektron baylanis, veb-sayt) arqali pitkeriwshiler haqqinda (walayatlar boyinsha ta’lim bag’darlari, qa’niygelikler kesiminde) mag’liwmatlar dag’azalaniwin, joqari ta’lim mekemesi veb-saytinda jaylastiriliwin, mag’liwmatnamalar basip shig’ariw ha’m olardi usiniwshilarg’a jetkiziliwin ta’miyinlew, reklamalar mazmuni, reklama modullarinin’ shiyki nusqalari, maqalalar tekstleri, video ha’m audiolentalar ssenariylerin tayarlawda qatnasiw;

Tu’rles joqari ta’lim ma’kemelerinde bakalavr bag’darlari ha’m magistratura qa’niygelikleri boyinsha tayarlanip atirg’an ba’sekili pitkeriwshilerdin’ ka’siplik sheberligi da’rejesi, olardin’ u’stinligi ha’m kemshiligin bahalaw ha’m o’z pitkeriwshileri menen salistiriw;

Institutta magistr da’rejeli ilimiy-pedagogikaliq kadrlarg’a bolg’an za’ru’rlikti aniqlaw ha’m Joqari ha’m orta arnawli ta’lim minstrliginin’ pitkeriwshilerin jumisqa bo’listiriw ha’m jas qa’niygeler xizmetinin’ monitoringin alip bariw jumislarin muwapiqlastiriwshi arnawli komissiyag’a inam etiw;

Kadrlarg’a bolg’an real za’ru’rlikler ha’m pitkeriwshilerdi juwmaqlawshi jumisqa bo’listiriw na’tiyjeleri haqqindag’i mag’liwmatlardi tiyisli minstrliktin’ arnawli komissiyasi ha’mde jumis beriwshi ma’keme, ka’rxana ha’m sho’lkemlerge da’wirlik ra’wishte inam etiw, jumisqa bo’listiriw protsessi qadag’alaw rejesinin’ orinlaniwi boyinsha Joqari ha’m orta arnawli ta’lim minstrligine xabarlar inam etiw;

Pa’n-texnika jetiskenliklerin esapqa alg’an halda ha’mde bakalavr ha’mde magist pitkeriwshilerinin’ ka’siplik sheberligin jaqsilaw maqsetinde ba’sekige shidamli bolajaq qa’niyge shaxsin rawajlandiriw boyinsha usinislar islep shig’iw;

Bakalavr bag’darlari ha’m magistratura qa’niygelikleri boyinsha pitkeriwshilerdin’ mu’mkinshilikleri ha’m u’stinliklerin ko’rsetiw maqsetinde instituttin’ respublika, xalqara ko’rgizbeler, yarmarkalarda qatnasiwin ta’miyinlew, ma’keme aymag’inda ko’rgizbe ha’m vitirinal ekspozitsiyalar sho’lkemlestiriw;

Imzalang’an sha’rtnamalarg’a muwapiq jumis beriwshilerdi belgilengen mu’ddetlerde pitkeriwshiler menen ta’miyinlew maqsetinde joqari ta’lim ma’kemesinin’ ba’rshe tiyisli bo’limleri menen talabalar qabuli ha’m pitkeriwshilerdi jumisqa bo’listiriw rejelerin muwapiqlastiriw;

Instituttin’ tiyisli bo’limleri (ken’esler, fakultetler, kafedralar h.t.b.) menen birgelikte bakalavr bag’darlari ha’m magistratura qa’niygeliklerin ma’mleket granti tiykarinda pitkeriwshilerdin’ 3 jil kepillikli islewi, sonin’ menen 3 jilliq ma’jbu’riy islep beriw sha’rtin o’tep atirg’an jas qa’niygelerdin’ ka’siplik xizmeti, da’rejesin asiriw barisindag’i isler ha’m olardin’ xizmet bag’analarinan ko’teriliwine ko’meklesiw boyinsha is-ila’jlar islep shig’iw ha’m a’melge asiriw;

Bakalavr bag’darlari ha’m magistratura qa’niygelikleri boyinsha pitkeriwshilerdi jumisqa bo’listiriw ha’m ornalastiriw, jas qa’niygelerdin’ miynet xizmeti na’tiyjeleri boyinsha joqari ta’lim ma’kemesinin’ ishki esabatin ju’ritiw ha’m sho’lkemlestiriw h.t.b.