Bilimlendiriw mákemelerinde matematika oqıtıwda toparlıq hám dástúriy oqıtıw texnologiyaların qollanıw nátiyjeliligin salıstırmalı úyreniw

---

№2-laboratoriya 

Tema: Bilimlendiriw mákemelerinde matematika oqıtıwda toparlıq hám dástúriy oqıtıw 

texnologiyaların qollanıw nátiyjeliligin salıstırmalı úyreniw. 

 

Sabaq  maqseti:  Studentlerge  dástúriy  emes    hám  dástúriy  oqıtıw  usılları  haqqında 

túsiniklerin bekkemlew. Oqıtıwda dástúriy hám interaktiv usillardiń abzalliqlarin túsindiriw. 

 

Teoriyaliq maǵliwmat: Sabaq ótiwde qollanilatuǵin metodlardı shártli túrde: dástúriy sabaq 

ótiw usilları hámde talabalar aktivliligin asırıwshı interaktiv metodlarǵa ajıratıw múmkin. 

Dástúriy  sabaq  ótiwde  sabaqtıń  tiykarǵı  maqseti  kóbirek  túsindiriwge  qaratılǵan  bolıp, 

oqıtıwshı-bilim  beriwshi,  oqıwshı-talaba  bilim  alıwshı  rolin  atqaradı.  Olardı  úyrenilip  atırǵan 

temanı  qanday  dárejede  ózlestirgenligin  qadaǵalaw  procesinde  bildirilgen  pikirlerge  qarap 

anıqlanadı. 

Dástúriy  oqıtıw  usıllarına,  ádette,  kórgizbeli-túsindiriw,  informaciya-receptiv,  reproduktiv 

sıyaqlı usıllar kiritiledi. Olardıń ulıwmalıq tárepi tayar bilimlerdi oqıwshı, talabaǵa jetkeriw, bayan 

etiwge tiykarlanǵan bolıp, oqıwshı bilim alıwshı rolin atqaradı.  

Búgingi  kúnde  kóplegen  tiykarǵı  metodikalıq  innovaciya  oqıtıwdıń  interaktiv  usılın  qollaw 

menen  baylanıslı.  ”Interaktiv”  sózi  anglichan  sózinen  ”interact”  ten  kelip  shıqqan.    ”inter”  bul  

”óz-ara”,  ”act”  -háreket  etiw.  Demek  interaktiv  –  óz-ara  háreket  etiw  qábiliyeti    yamasa  birew 

menen  sóylesiw.  Demek  interaktiv  oqıtıw  –  bul  dialog    túrindegi  oqıtıw  hám  oqıtıw  barısında 

muǵallim menen oqıwshı arasında óz-ara qarım-qatnas ámelge asırıladı. 

Interaktiv oqıtıwdıń mánisi sonnan ibarat, yaǵnıy oqıw procesin sonday etip  shólkemlestiriw 

kerek,  onda  tanıw  procesine  qatnasatuǵın  barlıq  oqıwshılardıń  erkin  oylawına  hám  dosları  menen 

básekilesip óz oyındaǵısın aytıwına múmkinshilik jaratılıwı kerek. Oqıwshılardıń tanıw procesinde 

hám  oqıw    materialların  ózlestiriwde  birgeliktegi  háreketi  sonı  ańlatadı,  onda  hár  kim  óz  úlesin 

qosadı, jánede bilimleri, ideyaları, háreket etiw usılları menen óz-ara almasadı. Bul qolaylı ortalıqta 

bir-birewge  járdemlesip,  jańa  bilim  alıwǵa  ózlestiriw  procesin  rawajlandırıp,  onı    kooperaciyanıń 

hám  birge  islesiwdiń  eń  joqarı  formasına,  al  ayırım  waqıtta  kúshli  konkurenciyaǵa  alıp  keliwine 

múmkinshilik jaratadı. 

Sorawlar hám tapsırmalar 

1.  Dástúriy oqıtıw usıllarında oqıtıwshınıń roli qanday? 

2.  Dástúriy oqıtıw usılları qanday abzallıqlarǵa iye? 

3.  Dástúriy oqıtıw usıllarınıń qanday kemshilikleri bar? 

4.  Dástúriy oqıtıw usıllarında bilim alıwshınıń roli qanday? 

5.  Dástúriy oqıtıw usıllarında oqıtıwshı bilimlerdi bilim alıwshıǵa qanday tárizde jetkeredi? 

6.  Interaktiv oqıtıw usıllarında oqıtıwshınıń roli qanday? 

7.  Interaktiv oqıtıw usılları qanday abzallıqlarǵa iye? 

8.  Interaktiv oqıtıw usıllarınıń qanday kemshilikleri bar? 

9.  Interaktiv oqıtıw usıllarınıń dástúriy oqıtıw usıllarınan parqı qanday? 

10. Interaktiv oqıtıw usıllarında bilim alıwshınıń roli qanday?