Bilimlendiriwde audiovizual maǵlıwmatlar menen islew texnologiyaları hám onıń programmalıq quralları. Audiovizual maǵlıwmatlardı saqlaw hám jetkerip beriw

Bilimlendiriwde audiovizual maǵlıwmatlar menen
islew texnologiyaları hám onıń programmalıq quralları.
Audiovizual maǵlıwmatlardı saqlaw hám jetkerip beriw
Jobası:
1.Audiovizual tálim haqqında túsinik
2.Audiovizual maǵlıwmatlar menen islew texnologiyaları
3.Audiovizual qurallar haqqında túsinik
Audiovizual tálim yamasa multimediaǵa tiykarlanǵan tálim - bul túsiniw hám este saqlawdı jaqsılaw maqsetinde materialdıń audiovizual yamasa multimedia prezentaciyasına bólek itibar qaratılatuǵın kórsetpe.
Vebster sózligine kóre, audiovizual qurallar – bul esitiw sezimi hám kóriw sezimine baǵdarlanǵan oqıw yamasa oqıw materialları, filmler, jazıwlar, fotosúwretler hám basqalar bolıp esaplanadı.
Audiovizual baylanıs, usınıń menen birge, olardan paydalanatuǵın xabarlar almasıwı tili dawıslı hám vizual maǵlıwmatlardı birlestirgen.
Kóp adamlar video oyınlardı audiovizual kórkem ónerdiń bir túri dep biledi, sebebi olardıń geyparaları hár qıylı usıllardıń grafik dóretpelerin bay hám tereń gúrrińli, orkestrlestirilgan muzika hám kinematografiya salasındaǵı saxnalar menen birlestiredi.
Házirgi waqıtta audiovizual maǵlıwmat esitiw hám kóriw qábiletleri arqalı jetkizilgen zatqa aytıladı. Televizor, Internet va kinoteatr – audiovizual kórsetiwlerdiń úlgileri esaplanadı
Audiovizual mádeniyat dawıslı kinonıń rawajlanıwı menen júzege keledi. 1920-jılǵa shekem proekciyalı filmler hám dawıslı filmler bolmaǵan(olar tıńlawı múmkin bolǵan audiojazıwlar joq edi). Dawıslı kinodan qániygeler bir waqıttıń ózinde diffuziya texnikasın audiovizual dep atawdı basladı.
Tekstli maǵlıwmatqa salıstırǵanda audiovizual quramnıń abzallıqlarınan biri sonda, ol oqıwshılardı oyda sáwlelendiriw qıyın bolǵan birpara túsiniklerge jaqınlastıradı. Hesh qanday grafikalıq maǵlıwmatsız ol ózi ushın oylaw qábiletin páseyttirmesten, oǵan jáne de keńlew kózqarastı usınıs etedi.
Audiovizual maǵlıwmat – bul qulaq hám kózdi birlestiredi. Usı sebepli audiovizual quram bir waqıttıń ózinde eki sezimnen paydalanadı. Audiovizual material tamashagóy tárepinen kóriledi hám esitiledi.
Audiovizual qurallar túsiniginiń payda bolıwı XVII ásirge barıp taqaladı. Bogemiyalik pedagog Yan Amos Komenskiy (1592-1670) óziniń “Orbis Sensualium Pictus” (“Sezim dúnyası súwreti”) kitabında súwretlerdi oqıw qollanbası retinde kirgizgen. Bul kúndelik turmıstıń 150 dana sızılması menen súwretlengen. Tap sonday, Jan Russo (1712-1778) hám J. H. Pestalozzi (1746 -1827) bilimlendiriwde súwretlenetuǵın hám oyın materiallarınan paydalanıwdı eń jaydırǵan.
Jaqında audiovizual qurallar qurallı kúshler tárepinen ekinshi jáhán urısı waqtında hám onnan keyin de keń qollanıla baslandı. Ekinshi jáhán urısı dáwirinde AQSH qurallı kúshlerinde audiovizual qurallardan tabıslı paydalanıw oqıw qurallarınıń nátiyjeliligin tastıyıqladı. Film lentalari, mikroformalar, slaydlar, proekciyalanǵan ashıq bolmaǵan materiallar, magnitofonlı jazıwlar hám kartalar sıyaqlı hár qıylı audiovizual materiallar bar.
Házirgi cifrlı dúnyada audiovizual qurallar – oqıw DvDları, PowerPoint, televiziyalıq oqıw seriyalari, YouTube hám basqa onlayn materiallar sıyaqlı bir neshe multimediyalar járdeminde jedel túrde rawajlandı. Audiovizual qurallardıń maqseti oqıtıwshınıń sabaqtı ápiwayı, nátiyjeli hám studentler ushın túsinikli tárizde usınıw qábiletin asırıw bolıp tabıladı. Audiovizual materiallar úyreniwdi turaqlı etedi, sebebi studentler bir neshe sezimlerden paydalanadı. Bilimlendiriw Ministrliginiń orta mekteplerde oqıw programmalarına tiykarǵı pedagogikalıq metod retinde audiovizual resurstı kirgiziw zárúrligi tuwrısında qararlardı ámelge asırıw zárúrli bolıp tabıladı.
Bunnan nátiyje orta mekteplerde audiovizual materiallardı eń jaydırıw bolıp tabıladı, sebebi olardı islep shıǵarıw ushın resurslar jetispeydi. Vizual kórsetpe oqıwshılar ushın abstrakt ideyalardı jáne de anıq etedi. Bul audiovizual resurstan paydalanıwdı xoshametlew hám qollap-quwatlawda mekteplerdiń zárúrli rolin túsiniw ushın tiykar bolıp xızmet etedi. Bunnan tısqarı, izertlewler sonı kórsetedi, oqıw hám oqıtıwda audiovizual materiallardan paydalanıw hám paydalanbaw ortasında sezilerli parq bar.
Zamanagóy dúnyada biz oqıtıw procesin jaqsılaw ushın cifrlı qurallardan paydalanamız. Búgingi kúnde tálimde biz paydalanatuǵın eń keń tarqalǵan qural bul PowerPoint slaydları bolıp, bul tálimdi jáne de qızıqlı, dinamikalıq hám nátiyjeli etedi. Bunnan tısqarı, bul jańa temalardı ańsat jol menen túsindiriwge járdem beredi. Audiovizual qurallardan paydalanıw oqıwshılardı túsinikti uzaq waqıt eslep qalıwına járdem beredi. Olar tekstli sózler menen birdey mánisti ańlatadı, biraq bul anıq túsiniklerdi beredi, sol sebepli úyreniw nátiyjeliligin asırıwǵa járdem beredi.
Texnologiyanı klasqa integraciyalaw oqıwshılarǵa zatlardı virtual kóre alıwǵa járdem beredi. Mısal ushın, eger oqıtıwshı Tajmahal haqqında sabaq bermekshi bolsa, Indiyadaǵı barlıq adamlar hám imaratlar bul jerge kelmegen bolıwı múmkin, biraq siz bunı video arqalı kórsetiwińiz, hám bul arqalı oqıwshılar bunı óz kózleri menen kóriwi múmkin