Bitiruvchi tomonidan ishlab chiqilgan "Raqamli ombor" nomli dasturiy ta`minot kafedra hujjatlarini avtomatlashtirishga xizmat qiladi

Namangan davlat universiteti, matematika fakulteti, amaliy matematika va informatika yo’nalishi ATI-AU-18 guruh bitiruvchisi Jaloldinov Shoxruxbekning “Web-texnologiyalar yordamida kafedra professor-o‘qituvchilarining ma’lumotlarini raqamlashtirish” mavzusidagi bitiruv malakaviy ishiga

TAQRIZ

Bitiruvchi Jaloldinov Shoxruxbekning bitiruv malakaviy ishi Web-texnologiyalar yordamida kafedra professor-o‘qituvchilarining ma’lumotlarini raqamlashtirishga bag`ishlangan bo`lib, unda yurtboshimizning jamiyat hayotini yanada yaxshilashga qaratilgan qarorlaridan kelib chiqib, masalaning qo’yilishi hamda dolzarbligi aniq ko’rsatib berilgan. Ishdan ko`zlangan maqsad va vazifalar belgilab olingan.
Bitiruvchi tomonidan ishlab chiqilgan “Raqamli ombor” nomli dasturiy ta`minot kafedra hujjatlarini avtomatlashtirishga xizmat qiladi. Shuningdek, ishda ushbu dasturiy ta`minotining mavjud platformalardan farqi hamda afzalliklari keltirib o`tilgan.
Bitiruv malakaviy ishda raqamlashtirishning ahamiyati, dasturiy mahsulotga qo`yiladigan talablar, dasturiy mahsulotlarni ishlab chiqishga qaratilgan web texnologiyalar, Laravel PHP frameworkining imkoniyatlari, “Raqamli ombor” dasturiy ta`minotining funksional imkoniyatlari, “Raqamli ombor” dasturiy ta`minotining texnik xususiyatlari, “Raqamli ombor” dasturiy ta`minotidan foydalanish yo`riqnomasi dars konspekti keltirilgan. Bitiruvchi tomonidan ishlab chiqilgan “Raqamli ombor” dasturiy ta`minotining mavjud boshqa dasturiy ta`minotlar orasidagi o’rnini ko’rsatib berish uchun ilovalar keltirilgan. Ishni mazmunan yakunlangan deb hisoblash mumkin.
Bitiruv malakaviy ishining hajmi, mazmuni va rasmiylashtirish jihatdan bitiruv malakaviy ishiga qo`yiladigan amaldagi nizom va talablarga to`la javob beradi va amaliy matematika va informatika yo’nalishi bitiruvchisi Jaloldinov Shohruhbekni bakalavr darajasini olishga loyiq deb hisoblayman va BMI ni DAK ga himoya qilishga tavsiya etaman.

NamMTI, Informatsion texnologiyalar

kafedrasi dotsenti, f.-m.f.n. A.A.To`raqulov