Bolajaq mektepke shekem tálim pedagoglarınIŃ kreativlik qábiletlerin rawajlandırıw

Video animatsiyalar - sızılǵan (súwretli) yamasa kishi kólemli obraz (qiziqli, quwırshaq yamasa oyınshıqlı ob'ekt) lerdi háreketke keltiriw hám bul hárekettiń hár bir basqıshın izbe-iz súwretke alınǵanlıǵın ańlatiwshı elektron suwretler.
Prezentatsiya (prezentaciya; lot. praesentatio - usınıw ) - arnawlı bir tema yamasa mashqala boyınsha oqıw (ilimiy, ámeliy) xarakterdegi materiallardıń jumıs qaǵazları (ápiwayı yamasa vatman qaǵazlar) hám de informacion-kommunikacion qurallar (kompyuter, proektor, procesor hám b. apparatlar ) járdeminde usınıs etiliwi.
PEDAGOG-TÁRBIYASHINIŃ DÓRETIWSHILIK SIPATLARI
Pedagog -tárbiyashi óz-ózinen dóretiwshi bolıp qalmaydı. Onıń dóretiwshilik qábileti belgili waqıt ishinde izbe-iz oqıp -úyreniw, óz ústinde islew arqalı qáliplestiredi hám ol az-azdan rawajlanıp baradı.
Dóretiwshilik-arnawlı bir jańalıqtıń áhmiyeti hám paydalı ekenligin belgileytuǵın shaxs iskerligi jáne onıń nátiyjesi. Dóretiwshi shaxs -dóretiwshilik processti tabıslı ámelge asıra alatuǵın hám de anıq dóretiwshilik nátiyje (ónim) lerge iye shaxs.
Kreativ shaxs -process yamasa nátiyje sipatinde dóretiwshilikte kórinetuǵın máselelerdi tarqatıp alıwǵa standart bolmaǵan usıllar menen jantasa alıwǵa beyim, ózine tán háreketlerdi shólkemlestiriw, jańalıqlardı ilgeri jıljıtıwǵa, dóretiwshilik ónimlerdi jaratılıwna uqıplı hám tayın shaxs. Dóretiwshilik -social sub'ekttiń jańalıǵı, áhmiyeti hám paydalılıǵı jámiyet yamasa arnawlı bir gruppa tárepinen tán alınǵan iskerligi yamasa iskerligi nátiyjesi.
Dóretiwshi shaxstı tárbiyalaw - kásiplik-dóretiwshilik iskerlik tájiriybelerin qarar taptırıw hám bayıtıw tiykarında dóretiwshilik ideya, olardı ámelge asırıw kónlikpe hám ilimiy tájriybelerine iye shaxstı qáliplestiriw hám rawajlandırıw.
Kásiplik-dóretiwshilik iskerlik-qánigeniń kásiplik máselelerdi dóretiwshilik hal qılıw tabıslı bolıwın xarakteristikalaytuǵın iskerligi, innovciyalıq minez-qulqı dóretiwshilik tapsırmalar -mashqalalı jaǵdaylardı sistemalı analiz tiykarında sheshiwge jóneltirilgen máseleler sisteması.
Kásiplik-dóretiwshilik múmkinshilik:
1) kásiplik kompetenciya, ilimiy tájriybege iyelik;
2) kásiplik dóretiwshilik metodologiyasi tiykarların ózlestirgenlik;
3) dóretiwshilik oylawdıń qálipleskenlik dárejesi;
4) kásiplik-dóretiwshilik uqıp hám jeke sipatlardıń rawajlanǵanlıǵı.
Kásiplik dóretiwshilik metodologiyasi-dóretiwshiliktiń process hám nátiyje sipatinda ob'ektler hám de arnawlı bir kásiplik iskerlik túrlerine munasábet kórinisindegi dúzilisi, logikalıq shólkemlestiriliwi, metod hám quralları haqqındaǵı táliymat.
Dóretiwshilik oylaw - oylawdıń dóretiwshilik procesin shólkemlestiriw hám dóretiwshilik nátiyjeleri (jemisleri)in boljawdı ańlatiwshı túri.
Dóretiwshilik qábilet - dóretiwshilik iskerlikti tabıslı ámelge asırıw hám onıń nátiyjeligin bahalawda kórinetuǵın bolatuǵın individual ayrıqshalıqı.
Óz-ózinde dóretiwshilikti aktivlestiriw - shaxstıń dóretiwshilik iskerlikte óz múmkinshiliklerin tolıq kórinetuǵın etiwi hám rawajlandırıwınıń dóretiwshi hám kreativ bolıwı yamasa bolmawi emes, bálki shınıǵıwlardı dóretiwshilik, kreativlik ruwxında shólkemlestiriwi, jańa ideyalardı tálim processinde sınap kóriwge umtılıwı zárúr. Shınıǵıwlarda kreativlik jol haritasina kóre tómendegi 4 baǵdar boyınsha háreketlenedi hám olardaǵı háreketler pedagoglardıń kreativligin ańlatiwshı belgiler (Patti Drapeau) esaplanadi:
1) dóretiwshilik pikirlew kónlikpelerin kórinetuǵın etiw;
2) shınıǵıwlardı qızıǵıwshılıq menen ózlestiriwge xoshametlentiretuǵın strategiyalardan paydalana alıw;
3) innovciyalıq jantasıw hám pedagogikalıq máselelerdiń sheshimin tabıwǵa kreativ jantasıw;
4) kútiletuǵın nátiyje.