Boymurodova X. Sattorova, Sh. Muslimova, F. Karimova

Lug‘at ishi: 
shovvoz – har qanday ishni eplay oladigan, qoyil qiladigan epchil, 
azamat
charos – go‘zal, qop-qora ko‘z
dumbuldan – pishmagan, xom, g‘o‘r meva

---

159
qirarman – ko‘plab yoki yoppasiga o‘ldirmoq
asil – a’lo sifatli, eng yaxshi
IV. Yangi mavzuni mustahkamlash. 
Darslik bilan ishlash. “Ifodali o‘qish” musobaqasi.
Musobaqa qatorlararo o‘tkaziladi. O‘quvchilarning hammasi she’rni 
o‘qiydi. Musobaqa so‘ngida har bir qatorda nechta o‘quvchi ifodali 
o‘qigani e’lon qilinadi va ko‘p ifodali o‘qigan qator g‘olib sanaladi. Qofi-
yadosh so‘zlar ustida ishlanadi: qiraman–uraman, dumbuldan–bulbuldan.
“Dam olish daqiqasi” o‘tkaziladi. “Jo‘ja” qo‘shig‘i eshittiri-
ladi.
“Kim topag‘on” o‘yini. Guruhlar o‘rtasida qush va parrandalar 
haqida topishmoqlar aytish musobaqasi o‘tkaziladi.
Bir qo‘shnim bor avval boshdan,
Soqoli uning qizil go‘shtdan.
Sahar turib shovqin solar,
Xabari yo‘q hech bir ishdan.
(Xo‘roz)
Oq sandiq, 
Og‘zi yo‘q sandiq. (Tuxum)
Chiy tagida chinni kosa.
(Qush uyasi)
,
Boyning o‘g‘li ko‘kka qarab yig‘laydi.
(Boyo‘g‘li) 
Yuqoridan keladi zebogina tovushi bor,
Oyog‘ida paxmoqqina kovushi bor.
(Kaklik)
Kasbi doim taqir-tuqur,
Qayda ilon ko‘rsa cho‘qir. 
(Laylak) 
V. Darsga yakun yasash va o‘quvchilarni baholash.
Darsda o‘rganilganlar yuzasida savol-javob o‘tkaziladi. 
1. She’rdan qanday xulosa chiqardingiz?
2. Jo‘ja haqida she‘r bilasizmi?
Dars xulosalanib, faol qatnashgan o‘quvchilar baholanadi.
VI. Uyga vazifa berish. “Jo‘ja” she’rini yod olish.
110-d a r s
Mavzu: “Ayiqni yenggan cho‘pon”. (Pirimqul Qodirov). I qism.