Бу бизга ҳам таъсир қилмай қолмайди — Шавкат Мирзиёев дунё бозоридаги вазият ҳақида

Бу бизга ҳам таъсир қилмай қолмайди» — Шавкат Мирзиёев дунё бозоридаги вазият ҳақида
https://kun.uz/50833481
Кўкдала тумани фаоллари билан учрашув чоғида президент дунё бозоридаги таҳликали вазият ва унинг Ўзбекистонга таъсирига тўхталди.
«Бугунги кунда дунёдаги вазият жуда жиддий, буни билган билади. Нефть маҳсулотлари 50 фоизгача, айрим озиқ-овқат турлари, масалан, ўсимлик ёғлари 70 фоизгача ошиб кетди.
Бу албатта бизга ҳам таъсир қилмай қолмайди. Мана бир мисол — шакар заводларимиз ишлаши учун хомашёни Бразилиядан келтирар эдик. Афсуски, ҳозирги айрим сиёсий вазиятлар туфайли йўллар ёпилиб қолиб, ишлар тўхтади. Шунинг учун нарх ошиши ва инфляциянинг халқимиз ҳаётига салбий таъсирининг олдини олиш мақсадида, биз янада кўпроқ ҳаракат қилишимиз, тинмай ишлашимиз керак. Токи бир кун вақтимиз бор экан, битта дарахт экишга, битта ҳосил олиб халқимизга етказишга ҳаракат қилишимиз керак. 
Йўллар ёпилганига қарамай, Афғонистон, Покистон йўналишидаги ишларимизни давом эттирамиз. Бош мақсадимиз халқимиз тараққиёти», дея президентнинг сўзларини келтирмоқда Kun.uz мухбири.

Пул топиш азоб, у пулни халққа одилона етказиш унданда азоб — Шавкат Мирзиёев
https://kun.uz/50305535
Шавкат Мирзиёев Қашқадарё вилоятига ташрифини янги ташкил этилган Кўкдала туманидан бошлади. Бу ерда “Само” тўқимачилик кластерида тикувчилар билан суҳбатдан сўнг айни пайтда янги туман фаоллари билан учрашув бўлиб ўтмоқда.

Фото: Президент матбуот хизмати
“Рамазон ойида сизлар билан кўришиб турганимдан хурсандман. Қашқадарёга катта марралар қўйгандик. Биринчи Чироқчини бўлишни режалаштиргандик, шундан бошладик. 1981 йил адолат бўлганди, бу масалада 1984 йилда адолат тўхтади.
Замонамиз шиддат билан ўтяпти. 5 йил ҳам тез ўтиб кетди. Албатта, Қашқадарёнинг забардаст, танти, мард халқи бор. Лекин яшаш шароити бўйича афсуски бу вилоят орқада. Шунинг учун Қорақалпоғистондан кейин ташрифимизни шу вилоятга уюштирдик.
813 та маҳалла бўлса, шуларнинг ҳар бирига уч нафардан президент вакиллари кирди. Мен ҳозир тикувчилар билан учрашганда айтдим, аёлни рози қилсак, оила рози бўлади, аёл фарзандларини шукрга ўргатади. Аёлларда фақат қувонч кўз ёшларини кўрайлик илоҳим.
Бугун имзо чекдим, Кўкдалада 182 минг аҳоли 30 га яқин маҳаллада яшайдиган бўлди. Бугун кечгача Қашқадарёнинг қатор туманларини айланамиз, эртага фаоллар билан учрашамиз. Энди вазифамиз одамларни рози қилиш. Яширмайман, катта пул билан келдим. Пул топиш азоб, у пулни халққа одилона етказиш унданда азоб.
Мен кластер раҳбарлари билан гаплашдим. Ҳозир пахта ҳосилдорлиги 28 центнерга чиқарилди. Бир вақтлар 18 центнер олдик дердик, унинг ҳам 3 центнери қўшиб ёзиш бўларди. Лекин биз бу кўрсаткич билан тўхтаб қолиш керак эмас, мақсад 50 центнерга етказиш бўлиши керак. Менинг келишимдан мақсад Қашқадарёни ҳам Андижондек уйғотмоқчиман”, — дея президентнинг сўзларидан иқтибос келтирмоқда Kun.uz мухбири.
“Маънавий жасорат” — президент меҳрибонлик уйи тарбияланувчиларини қарамоғига олган оилаларга миннатдорчилик билдирди