Буҳгалтерия ҳисобини ташкил этиш

Буҳгалтерия ҳисобини ташкил этиш.

• 
  Бухгалтерия ҳисобини ташкил этиш бўйича жавобгарлик фермер хўжалигининг бошлиғига (кейинги ўринларда - фермер деб юритилади) юклатилади. Бунда фермер қуйидаги ҳуқуқларга эга:
  
• 
  а) бош бухгалтер раҳбарлигидаги бухгалтерия ҳисоби хизматини ташкил этиш ёки шартнома асосида жалб қилинган бухгалтернинг хизматларидан фойдаланиш;
  
• 
  б) бухгалтерия ҳисобини юритишни шартнома асосида ихтисослаштирилган ташкилотга (аудиторлик ташкилотлари, солиқ маслаҳатчилари ташкилотлари ва уставида бухгалтерия ҳисобини юритиш бўйича хизмат кўрсатиш назарда тутилган бошқа ташкилотлар) юклаш;
  
• 
  в) бухгалтерия ҳисобини мустақил юритиш.
  

Бухгалтерия бўлими ходимининг асосий вазифалари.

• 
  бухгалтерия ҳисобини норматив-ҳуқуқий ҳужжатларга амал қилган ҳолда юритади, шунингдек, ҳисоб ишларини замонавий техник воситалар ва ахборот технологияларидан фойдаланган ҳолда ташкил этади;
  
• 
  бухгалтерия ҳужжатларини ўз вактида ва тўғри расмийлаштирилишини ҳамда амалга оширилаётган операцияларнинг қонунийлигини олдиндан назорат қилади;
  
• 
  ташкилотда ҳодимларнинг иш ҳакларини ва унга тенглаштирилган тўловларини, белгиланган тартибда ҳамда ўз вақтида ҳисоблаб чиқилишини ташкил этади;
  
• 
  пул маблағлари, ҳисоб-китоблар ва моддий қимматликлар, шунингдек, бошқа активларни ва мажбуриятларни инвентаризация қилишда қатнашади, инвентаризация натижаларини ўз вақтида ва тўғри расмийлаштиради ҳамда уларни бухгалтерия ҳисобида акс эттиради;
  
• 
  моддий жавобгар шахсларга уларнинг жавобгарлигида турган моддий қимматликларнинг бутлигини сақлаш ва ҳисобини олиб бориш юзасидан тушунтириш ишлари ўтказилишини ташкил этади;
  
• 
  моддий қимматликларни олиш учун берилган ишончномаларни ҳисобини юритилишини ва улардан тўғри фойдаланилишини назорат қилади;
  
• 
  молиявий ҳисоботларни белгиланган муддатларда тузади ва топширади;
  
• 
  асосий воситалар ҳамда бошқа моддий қимматликларни уларнинг сакланиш ва фойдаланиш жойларида бутлигини мунтазам назорат қилинишини таъминлайди;
  
• 
  бухгалтерия ҳужжатларини, ҳисоб регистрларини сақлайди;
  
• 
  қонунчиликда назарда тутилган нормалар бўйича хисоботларни тузиш ва уни ваколатли органларга мудатида тақдим этиш;
  
• 
  қонунчиликда назарда тутилган бошқа вазифаларни бажарилишини таъминлайди.