Bug’latish usullari

Uch korpusli qarama-qarshi yo’nalishli bug’latish qurilmasi

• Yangi isituvchi bug’ 1-korpusga haydaladi, ikkilamchi bug’lar esa 1-korpusdan 3-ga qarab harakat qiladi. Boshlang’ich eritma esa, avval 3-korpusga yuklanadi, so’ng esa 3-korpusdan 1-korpus tomon qarab uzatiladi. Quyuqlashtirib bo’lingan eritma 1-korpusning pastki qismidan chiqarib olinadi. Har bir keyingi korpusdagi bosim avvalgi korpusnikidan kichik bo’lgani uchun, eritmani uzatish uchun nasos 5, 6, 7 lar xizmat qiladi.

Afzallik va kamchiliklari

• Qarama-qarshi yo’nalishli bug’latish qurilmasining afzalliklari: juda yuqori konsentratsiyalargacha quyuqlashtirish mumkin; bir yo’nalishli qurilmalarga nisbatan kichik isitish yuzasi talab etiladi.
• Kamchiligi: eritmani korpusdan korpusga uzatish uchun nasoslar zarur.

Issiqlik nasosini qo’llab bug’latish

• Ushbu usul, shu qurilmada olingan ikkilamchi bug’ni qaytadan o’sha bug’latgichda qo’llashga asoslangan. Buning uchun ikkilamchi bug’ haroratini isituvchi bug’ haroratigacha ko’tarish zarur. Ikkilamchi bug’ haroratini oshirish uchun u kompressor yoki injektorli issiqlik nasosda siqiladi. Odatda, ikkilamchi bug’ni siqish va uzatish vositasi sifatida turbokompressor qo’llaniladi.