Бухгалтерия ҳисоби регистрлари ва шакллари

 
Мавзу бўйича таянч сўзлар ва иборалар 
 
Бошланғич ахборотлар 
Маълумотларни компьютерга киритиш 
Маълумотлар базаси
Натижавий маълумотларни чиқаришга мўлжалланган 
режимлар бўйича ишлаш ва уларни шакллантириш 
Аналитик 
ҳисоб машино-
граммалари 
Синтетик ҳисоб 
машинограммалари 
Молиявий ҳисобот 
шакллари 

---

Ҳисоб регистрлари – бу бухгалтерия ҳисоби маълумотларини қайд этиш, 
гуруҳлаш ва жамлашда ишлатиладиган ахборот ташувчилар.
Китоблар – булар хўжалик операцияларини қайд этиш учун мўлжалланган
ҳисоб варақаларини ўз ичига олган, муқоваланган ва тикилган ҳисоб регистрлари.
Журнал-ордерлар – бу маълумотларни счетларнинг кредити бўйича
гуруҳланган ҳолда қайд этишга мўлжалланган регистрлар. 
Қайдномалар –бу счетларнинг дебети бўйича аналитик ҳисобни олиб боришга
мўлжалланган регистрлар. 
Мемориал-ордерлар - бу маълумотларни бир вақтнинг ўзида счетларнинг ҳам 
дебети, ҳам кредити бўйича гуруҳланган ҳолда қайд этишга мўлжалланган
регистрлар.
Карточкалар - булар хўжалик операцияларини қайд этиш учун мўлжалланган 
ва алоҳида ҳисоб варақалари сифатида қалин қоғозга ёки картон қоғозга типографик 
усулда маълум шаклда тайёрланган регистрлар.
Машинограммалар - булар замонавий компьютерларда тегишли алгоритмлар 
ва дастурлар асосида шаклланган аналитик ва синтетик ҳисоб, шунингдек молиявий 
ҳисобот регистрлари.
Ҳисоб шакли – бу бухгалтерия ҳисоби маълумотларини қайд этиш, гуруҳлаш ва
йиғишда қўлланиладиган регистрларнинг тизимли мажмуаси.
Бухгалтерия ҳисобининг мемориал-ордер шакли - бу бухгалтерия ҳисоби 
маълумотларини мемориал-ордерлар асосида қайд этиш, гуруҳлаш ва йиғишга 
мўлжалланган шакли.