2004- yilning 26-dekabrida bo`lib o`tgan saylovlar (2005-yil 9-yanvarida amalga oshirilgan takroriy ovoz berish)natijasida O`zbekiston Respublikasida ilk bor ikki palatali parlamentning quyi palatasi- Qonunchilik palatasi shakllantirildi. Shuningdek,Konstitutsiyaga muvofiq, 2005-yilning 17-20- yanvar kunlari Respublikamiz mahalliy hududlarida O`zbekiston Respublikasi Oliy Majlisining yuqori palatasi-Senatida saylov o`tkazildi. Senat a’zoligiga nomzodlarini oqsoqollar kengashlari Xalq deputatlari mahalliy Kengashlarining davlat va jamiyat hayotida faol ishtirok etib, katta amaliy tajribaga ega bo`lgan eng obro`li deputatlari orasidan ko`rsatdilar. Shuningdek, senatning 16 nafar a’zosi O`zbekiston Respublikasi Prezidentining farmoniga muvofiq tayinlandi.
Do'stlaringiz bilan baham: |
