O`zbekiston Respublikasi Konstitutsiyasining 60-moddasida: “Siyosiy partiyalar turli tabaqa va guruhlarning siyosiy irodasini ifodalaydilar va o`zlarining demokratik yo`l bilan saylab qo`yilgan vakillari orqali davlat hokimiyatini tuzishda ishtirok etadilar” deb qayd etilgan. Ma’lumki, o`z oldiga huquqiy davlat, fuqarolik jamiyatini qaror toptirishni maqsad qilib qo`ygan har bir mamlakat siyosiy partiyalarga ehtiyoj sezadi. Fuqarolik jamiyatida siyosiy partiyalar jamiyat v adavlatni bog`lovchi demokratik institute vazifasini bajaradi. Shuning uchun hozirgi kunda har bir siyosiy partiya amaldagi qonunlarga binoan saylov jarayonida Prezidentlikka Oliy Majlis Qonunchilik palatasi va mahalliy kengashlar deputatligiga o`z nomzodlarini ko`rsatib, davlat hokimiyatini shakllantirishda ishtirok etmoqda. Hozirgi kunda mamlakatimiz fuqarolari siyosiy partiyalar orqali nafaqat davlat hokimiyatini shakllantirishda, hattoki, ular faoliyatini nazorat qilishda ham ishtirok etadi.
Do'stlaringiz bilan baham: |