Buxoro davlat universitetining pedagogika instituti "tasdiqlayman "

II.I. Fan tarkibiga quyidagi mavzular kiradi: 

---

1-MODUL. KIRISH. SINTAKSIS VA GAP BO’LAKLARI 
1-mavzu. Kirish. Ona tili va bolalar adabiyoti o’qitishda fanning dolzarb 
muammolari fanining maqsad va vazifalari 
Tarixning eng qadimgi davrlaridan boshlab, inson nafaqat o`zining tirik qolishi 
uchun kurashgan, balki u o`z qabilasi, urug`ining ham uzoq yashab qolishi 
tadbirini ko`rgan. Binobarin, alla, ovutmachoq, ertak va topishmoqlar mazmuni, 
avvalo, ongli, kuchli, epchil va chaqqon insonni shakllantirishga qaratilgan. 
Kishilarning atrofni o`rab turgan olam haqidagi tasavvuri va u haqidagi 
yig`ilgan bilimlari, hayotiy tajriba asosidagi dono hikmatlari hamda xulosalari 
bolalarga o`ziga xos tarzdagi pand-nasihatlar shaklida, ularga tushunarli 
vositalarda etkazilgan. Shuning uchun ham turli xalqlarning, hattoki bir-biridan 
juda yiroq masofadagi mamlakatlarning xalq og`zaki ijodida ham juda ko`p 
mushtaraklik mavjud. 
2- mavzu. Tilshunoslik va til haqida umumiy ma’lumot
Tilshunoslik fani kishilar tili haqidagi fan sifatida ijtimoiy-gumanitar fanlar 
guruhiga kiradi. “Tilshunoslik til haqidagi, uning ijtimoiy tabiati, vazifasi, ichki 
tuzilishi, tasnifi haqidagi; muayyan tillarning ish ko‘rish (faoliyat) qonunlari va 
tarixiy taraqqiyoti haqidagi fan”. Tilshunoslik fani hozirgi zamon fanining 
barcha asosiy turlari bilan bog‘liq. Tilshunoslik – ko‘p qirrali fan. U fan sifatida 
umumiy va xususiy, nazariy va amaliy tilshunoslikka ajratiladi. 
3-mavzu. Sintaksisga kirish. Sintaktik munosabat turlari, so’zlarning teng 
va tobe bog’lanishi 
Sintaksis grammatikaning ikkinchi qismi bo’lib, unda so’zlarning bir-biriga 
bog’lanib, so’z birikmalari hosil qilinishi, gap turlari o’rganiladi. "Sintaksis" 
grekcha so’z bo’lib, "tuzish” demakdir.
Sintaksis o’z navbatida a) so’z birikmasi sintaksisi va b) gap sintaksisi kabi
ikkita bo’limga ajraladi.