Buxoroda saylov uchastkalari tuzildi

Buxoroda saylov uchastkalari tuzildi
O‘zbekiston Respublikasi Prezidenti saylovini o‘tkazuvchi 3-Buxoro okrug saylov komissiyasining navbatdagi yig‘ilishi o‘tkazildi.
Dastlab yig‘ilish avvalida okrug komissiyasi a’zolariga Markaziy saylov komissiyasi tomonidan taqdim etilgan a’zolik guvohnomalari topshirildi hamda okrug hududida saylov uchastkalarini tuzish haqidagi masala ko‘rib chiqildi.
Yig‘ilishda so‘zga chiqqan komissiya raisi M.Daminov O‘zbekiston Respublikasining Saylov kodeksi 10-moddasiga muvofiq saylov uchastkalari tuman-shaharlar chegaralarini inobatga olgan holda, saylovda ishtirok etish huquqiga ega bo‘lgan fuqarolarga ko‘proq qulaylik yaratish maqsadida tuzilishi, saylov uchastkalari harbiy qismlar, sanatoriylar, dam olish uylari, kasalxonalar va boshqa statsionar davolash muassasalarida, olis va borish qiyin bo‘lgan yеrlardagi fuqarolar turgan joylarda qamoqda saqlash va ozodlikdan mahrum etish joylarida ham tashkil etilishini ta’kidladi.
Yig‘ilishda komissiya a’zolari tomonidan saylov uchastkalari va ularning chegaralari, joylashuv manzili tasdiqlandi.
Uchastkalar ro‘yxati viloyatdagi ommaviy axborot vositalarida e’lon qilinadi.
3-Buxoro okrug saylov komissiyasi matbuot markazi