Dars 1 Ingliz tilida zamon tushunchasi

Dars 20 Bog'lovchi bilan kelgan qo'shma gaplarda kelajak zamon

▪Umumiy qoidaga binoan ikkita gapni bog'lab kelgan koʻpchilik payt va shart bog'lovchilar bog'lagan gaplarda kelasi zamon fe’li oʻrnida hozirgi zamon fe'llari qoʻllanadi.

I will wait (kelasi zamon fe'li) here UNTIL (bog'lovchi) you come (hozirgi zamon fe'li) back. (Sen kelguningcha kutaman.)

▪Yuqoridagi misolda ikkala ish-harakat ham kelasi zamonda bo'ladi, lekin qoidaga ko'ra payt bog'lovchisi boʻlgan 'until' soʻzidan keyin oddiy hozirgi zamon qoʻllanilayapti. Yana bir misol:

When the rain stops, we'll go out. (Yomg'ir tinsa, biz tashqariga chiqamiz)

Yuqoridagi qoida boʻyicha qoʻllaniladigan bog'lovchilarga misollar:

when - -gan paytda, qachonki before - oldin

until/till - -gacha as soon as - -shi bilanoq

by the time - -uncha, -gacha while - -ganda, davomida

after - keyin in case – hisobga olib, ehtiyot shart

provided (that) - -gan holdagina providing(that) - -gan holdagina

if - -sa (agar… sa) unless - -masa (agar…masa)

as long as - toki so long as - toki

▪Misollar:

I will visit you while I am in Moscow. (while I'll be emas.)

You will have to show your ID before you come in.

Wait here until I come back. (Bu yerda birinchi gap buyruq gap, lekin until bog'lovchisidan keyingi gap kelasi zamonda bo'lsa ham, hozirgi zamon fe'li ishlatilyapti)

They will let you know as soon as they arrive in New York.

The film will have already started by the time we get to the cinema

▪Agar bog'lovchili gapdagi ish-harakat toʻliq tugallanishini bildirmoqchi boʻlsak, bog'lovchidan keyin tugallangan hozirgi zamon (present perfect simple) qoʻllashimiz mumkin.

I am reading an interesting book at the moment. I will lend it to you when I have finished it.

Don't say anything while Tom is here. Wait until he has gone.