Darslik. O‘zr oliy va o‘rta maxsus ta’lim vazirligi, O‘rta maxsus, kasb- hunar ta’limi markazi. Qayta ishlangan 5-nashri.Ò

Bank pul yuzasidan bo‘lgan aloqalarga xizmat qiluvchi moliya
instituti, ya’ni muassasadir.
Bank ham firma, u tadbirkorlik qiladi, lekin boshqalardan farqliroq
u faqat pul bilan ishlaydi. Pul iqtisodning qoni bo‘lsa, bank uning
yurak-tomir qismi bo‘lib, hamma a’zo-yu hujayralarni oziqlantirib
turadi. Shu sababli, iqtisodning tirikligi bank bilan. Bank ishi — pul
olamidagi biznesdir. Bank ishi bilan shug‘ullanuvchilar bankirlar —
bankchilar  deyiladi.  Bank  iqtisodiyot  uchun  ahamiyatli  ishlarni
bajaradi, chunonchi, pul va qimmatbaho buyumlarni omonatga olib,
saqlab  beradi;  pul  bilan  bo‘ladigan  hisob-kitob  operatsiyalarini,
xususan, pul to‘lash ishlarini bajaradi; chet el valutasini sotadi va
sotib  oladi;  o‘z  qo‘lidagi  pulni  qarzga  beradi,  ya’ni  kredit  bilan
shug‘ullanadi;  o‘z  puliga  aksiya  sotib  olib,  uni  boshqa  sohaga
joylashtiradilar; biznes yuzasidan maslahat beradi.
Bankdan o‘tadigan pul oqimi naqd pullar va naqd bo‘lmagan
pullar harakatidan iborat. Naqd pul — bu banklardagi, korxona va
tashkilotlar kassasidagi va aholi qo‘lidagi qog‘oz va tanga pullardir.
Naqd bo‘lmagan pul bunday shaklga ega emas, u pulning borligi
haqidagi  axborot,  yozuv  bo‘lib,  u  bank  hisob  varag‘ida  qayd
etiladi.
Naqd  bo‘lmagan  pullar  bank  depoziti  shakliga  ega,  ya’ni
firmalar, jamoat tashkilotlari, davlat muassasalari va ayrim fuqarolar
o‘z pulini bankdagi depozit hisob varag‘ida saqlaydilar. Depozit
ikki xil bo‘ladi: