Даугизтау дгқЭсининг 2022 йил геологик, ишлаб чиқариш, иқтисодий, молиявий-хўжалик фаолияти натижалари

Даугизтау ДГҚЭсининг 2022 йил геологик, ишлаб чиқариш, иқтисодий, молиявий-хўжалик фаолияти натижалари
ва 2023 йил вазифалари бўйича
“Ўзбек геология қидирув” акциядорлик жамияти баланс комиссиясининг
ҚАРОРИ

2023 й. “ 27 ” март Тошкент ш.

Раислик қилди:	Ш.П. Алимов – “Ўзбек геология қидирув” АЖ бошқарув раиси
Қатнашдилар:	Бошқарув раиси ўринбосарлари, марказий аппарат бўлим, хамда бошқарма бошлиқлари, Даугизтау ДГҚЭси бошлиғи, экспедиция бош геологи, бош мухандиси, бош бухгалтери, иқтисод ва молиялаштириш бўлими бошлиқлари.

КУН ТАРТИБИ:

Даугизтау ДГҚЭсининг 2022 йил геологик, ишлаб чиқариш, иқтисодий, молиявий-хўжалик фаолияти натижалари ва 2023 йил вазифалари

(Алимов, Раджапов, Эргашев, Сиражов, Когай, Закиров, Дерягин, Умаров, Садиков, Кахаров, Яхшиев, Костюченко, Турдижанов, Шигапов, Усканбоев)

Даугизтау дала геология қидирув экспедициясининг 2022 йил геологик, ишлаб чиқариш, иқтисодий, молиявий-хўжалик фаолияти натижалари ва 2023 йил вазифалари тўғрисидаги экспедиция бошлиғи Ш. Бабакулов ва бош геологи Х. Жаниевларнинг йиллик ҳисоботларини тинглаб, муҳокама қилгандан сўнг баланс комиссияси

ҚАЙД ЭТАДИ:

1. 
   Геология қидирув ишлари фаолияти
   

2022 йилдаги асосий геологик вазифалар Давлат геология қўмитасининг дастурлари ва геологик топшириқларга мувофиқ бажарилди.
2022 йилда белгиланган топшириқларни бажариш учун 4 та объектда геологик қидирув ишлари олиб борилди: жумладан – олтинга 3 та лойиҳа, (2 та баҳолаш, 1 та излаш); платиноидларга – 1 та лойиҳа (1 та излаш).

Даугизтау ДГҚЭ томонидан 2022 йилда 3 та давом этаётган лойиҳалар, 1 та янги лойиҳа-смета ҳужжатлари тузилиб, улар бўйича ишлар амалга оширилди.

Бундан ташқари, 2022 йил давомида “Навоий КМК” АЖ билан шартнома асосида 4 та лойиҳа бўйича геология-қидирув ишлари амалга оширилди.
Экспедиция томонидан лойиҳалар асосида олиб борилган геология-қидирув ишлари натижасида жами 70,3 тонна С₁+С₂ тоифада олтин заҳира ўсишига эришилди, шундан бюджет лойиҳалар бўйича Жасаул участкасидан – 15,3 тоннага ва шартнома асосида геология-қидирув ишлари олиб борилаётган “Навоий КМК” АЖ ресурс базасига киритилган объектлар бўйича Даугизтау участкасида – 55,0 тоннага бажарилди. Р₁+Р₂ тоифадаги олтинни башоратлаш ресурслари 65,2 тонна ўсиши амалга оширилди, бунда бюджет лойиҳалар бўйича Лолоазор участкасидан – 10,9 тонна, Аулисай участкасидан – 5,0 тонна, Қумбосган участкасидан – 7,0 тоннага ва шартнома асосида геология қидирув ишлари олиб борилаётган “Навоий КМК” АЖ ресурс базасига киритилган объектлар бўйича Даугизтау участкасида – 42,3 тонна миқдорида бажарилди.
Жасаул участкасидан 442,6 тонна кумуш С₁+С₂ тоифада заҳира ўсиши (оператив) ҳисобот билан амалга оширилди, ва Р₁+Р₂ тоифада 252,32 тоннага кумушнинг башорат ресурслари ўсиши таъминланди.
“Ўзбек геология қидирув” АЖ Даугизтау ДГҚЭ томонидан 2022 йил давомида заҳира ва башорат манбаларининг бажарилиши