Davlat byudjeti g'azna ijrosi to’G’risida

10-modda. Davlat budjeti daromadlarini hamda budjet tashkilotlarining budjetdan tashqari mablag‘larini hisobga kiritish
Davlat budjetiga to‘lanadigan soliqlar, yig‘imlar va boshqa majburiy to‘lovlar yagona g‘azna hisobvarag‘iga kiritilib, ular tegishincha respublika budjeti, Qoraqalpog‘iston Respublikasi budjeti, mahalliy budjetlar, davlat maqsadli jamg‘armalari daromadlarida aks ettiriladi. Budjet tashkilotlarining budjetdan tashqari mablag‘lari yagona g‘azna hisobvarag‘iga kiritilib, ular mazkur tashkilotlarning daromadlarida aks ettiriladi
Davlat budjetiga chet el valyutasida to‘lanadigan soliqlar, yig‘imlar va boshqa majburiy to‘lovlar, shuningdek budjet tashkilotlarining chet el valyutasida tushadigan budjetdan tashqari mablag‘lari, agar qonun hujjatlarida boshqacha qoidalar nazarda tutilgan bo‘lmasa, G‘aznachilikning bankdagi valyuta hisobvaraqlariga kiritiladi.
11-modda. Soliqlar, yig‘imlar va boshqa majburiy to‘lovlar summalarini qaytarish
G‘aznachilik yuridik va jismoniy shaxslarga ular tomonidan ortiqcha to‘langan soliqlar, yig‘imlar va boshqa majburiy to‘lovlar summalari qonun hujjatlarida belgilangan tartibda yagona g‘azna hisobvarag‘idan yoki G‘aznachilikning boshqa bank hisobvaraqlaridan qaytarilishini amalga oshiradi.
12-modda. Davlat budjetining xarajatlarini amalga oshirish
Davlat budjetining xarajatlari yagona g‘azna hisobvarag‘i yoki G‘aznachilikning boshqa bank hisobvaraqlaridan belgilangan muddatlarda va tegishincha respublika budjeti, Qoraqalpog‘iston Respublikasi budjeti, mahalliy budjet, davlat maqsadli jamg‘armalari mablag‘larining hamda budjet tashkilotlarining budjetdan tashqari mablag‘larining qoldiqlari doirasida amalga oshiriladi.
13-modda. Mablag‘larni sudning qaroriga binoan o‘tkazish, dotatsiyalar va ssudalarni o‘tkazish
Mablag‘larni sudning qaroriga binoan o‘tkazish, dotatsiyalar va ssudalarni o‘tkazish yagona g‘azna hisobvarag‘idan yoki G‘aznachilikning boshqa bank hisobvaraqlaridan Davlat budjetida mablag‘lar nazarda tutilgan yuridik va jismoniy shaxslarning bank hisobvaraqlariga g‘aznachilik tomonidan o‘tkaziladi.