G‘aznachilik organlari. - G‘aznachilik yuridik shaxs maqomiga ega bo‘lgan, moliya vazirligiga bo‘ysunadigan davlat organi hisoblanadi. G‘aznachilikning qorag‘alpog‘iston respublikasi g‘aznachilik boshqarmasi, toshkent shahar va viloyatlar boshqarmasi, shahar va tumanlarda g‘aznachilik bo‘limlari kabi hududiy organlari faoliyat yuratadi. G‘aznachilikka o‘zbekiston respublikasi moliya vaziri o‘rinbosari, o‘zbekiston respublikasi vazirlar mahkamasi tomonidan tayinlangan davlat g‘aznachisi rahbarlik qiladi. G‘aznachilikning hududiy organlari huquqiy shaxs maqomiga ega emas. O‘zbekiston respublikasi moliya vazirligining buyrug‘iga muvofiq g‘aznachilikning hududiy organlari tuziladi va tugatiladi. G‘aznachilik organlarining xarajatlarini moliyalashtirish respublika byudjetidan amalga oshiriladi.
Do'stlaringiz bilan baham: |
