Dielektrikler temasın oqıtıwda ikt dan paydalanıw

Sorawlar


Óz betinshe tálim tapsırma





Juwmaq
Búgingi kúnde bilimlendiriwdińsapasın arttırıw júdá áhmiyetli, máselelerdiń biri bolıp esaplanadı. Sebebi, basqa barlıq sotsiallıq máseleler, siyasiy mashqalalar hám ekonomikalıq kórsetkishler usı tálim sapası dárejesine baylanıslı rawajlanadı. Qalaberse, bilimlendiriw sapası mámleket hám jámiyet táǵdirin, pútkil insaniyat táǵdirin belgilep beredi. Oqıw orınlarında bilimlendiriw sapasın arttırıwda innovatsiyalıq oqıtıw metodları hám texnologiyalarınan paydalanıw kásiplik kónlikpeler hám sheshimlerdi qabıl ete alıw dárejesin arttırıw imkániyatın beredi.
Oqıw protsessinde mul`timedia texnologiyaların keń en jaydırıw, oqıtıwdıń dástúriy texnologiyaların qollanıwǵa qaraǵanda bir qatar paydalı hám qolaylı táreplerge iye. Oqıw materiallarınıń mul`timedialı quralları menen bayıtılǵanlıǵı oqıwshılarda bilim alıw motivatsiyasın kúsheytiwge, birleglikte islewge hám bilim kónlikpesin rawajlandırıwǵa, úyrenilip atırǵan oqıw materialınıń ámeliy áhmiyetin túsiniwge imkániyat jaratadı.
Sebebi oqıtıwshı tárepinen túrli kórinislerde mul`timedia texnologiyaları arqalı kórgizbeli ótilgen sabaq oqıwshınıń eslep qalıwı, ózlestiriw protsessiniń logikalıq juwmaǵında úlken rol oynap, alınǵan bilimlerdiń oqıwshı yadında saqlanıp qalıwına hám ózlestirilgen oqıw metarialların sistemalastırıwda da járdem beredi. Usı protsesste ásirese oqıtıwshılar tárepinen informatsiyanıń emotsionnallıq tásiri de esapqa alınıwı kerek. Oqıwshılardıń dıqqatın berilip atırǵan maǵlıwmatlarǵa qaratıw hám emotsional tásir arqalı qızıǵıwshılıq oyatıw oqıtıwshınıń pedagogikalıq sheberligine baylanıslı. Sabaq protsessinde video fil`mlerdegi kadrlar, slaydlar almasıwınıń qaytalanbaslıǵın oqıwshılar sezgen jaǵdayda oqıwshılarda bolıp atırǵan protsesske qarata dıqqatlıraq bolıwdı talap etedi. Solay etip, sabaq protsessinde mul`timedia texnologiyalarınan nátiyjeli paydalanıw oqıwshılardıńsabaqqa bolǵan qızıǵıwshılıǵın oyatıwǵa hám de oqıw sapasın arttırıwǵa óziniń unamlı tásirin kórsetedi.