Dielektrikler temasın oqıtıwda ikt dan paydalanıw

Bilimlendidriwde informatsiyalıq-kommunikatsiyalıq texnologiyalardan paydalanıw
Házirgi waqıtta, jańadan-jańa informatsiyalardıń kúshli aǵımı, kompyuter texnologiyasınan televideniyede keńnen qollanıwı, reklama, oyın úskeneleriniń tarqalıwı, elektron oyınshıqlar hám kompyuterler balalardı tárbiyalawda hám onıń qorshaǵan dúnyanı qabıllawında óziniń úlken tásirin kórsetip atır. Atap aytqanda, bular balalar ushın kúshli tásirin tiygizedi, sebebi ol kitap oqıwǵa qaraǵanda, úlken qızıǵıwshılıǵı menen televizor kóredi. Oqıwshılar qálegen tema boyınsha iformatsiyanı sabaqlıqlardan, maǵlıwmatlı ádebiyatlardan, oqıtıwshınıń lektsiyalarınan, sabaq konspektsiyalarınan alatuǵın edi. Al búgingi kúnde, házirgi haqıyqatlıqtı esapqa alıp, oqıtıwshı oqıwshılarǵa informatsiyanı beriwdiń taza usılların paydalanıwı zárur bolıp qaldı. Hár bir oqıwshını, qısqa waqıt aralıǵında, jańa túrde bilimlendiriw hám úlken massivtegi informatsıyanı ámeliy iskerliginde qollanıwdı ózlestiwge úyretiwi zárurli áhimiyetke iye bolıp barmaqta. Oqıw protsessin sonday etip shólkelestiriw kerek, hár bir oqıwshınıń sabaqqa qızıǵıwshılıǵı bolsın, óziniń miynetiniń ónimin kórsin hám onı bahalay alsın. Bul ápiwayı bolmaǵan máseleni oqıtıwshı járdeminde sheshiliwi, oqıtıwdıń traditsionlıq metodları hám házirgi informatsiyalıq texnologiyalar, sonıń ishinde kompyuterdiń járdeminde birgelikte bolıwı múmkin. Sabaqtıń barsında kompyuterden paydalanıw, oqıw protsessiniń qatań differentsiyalılı hám individuallı bolıwına múmkinshilik beredi.
1. Oqıtıwdı individuallastırıw;
2. Oqıwshılardıń óz – betinshe jumısların intensifikatsiyalaw;
3. Sabaqtaǵı tapsırmanıń orınlanıwı kólemniń ósiwi;
4. Internet ti qollanıwda informatsiyalıq aǵımnıń keńeyiwi;
5. Hár túrli formadaǵı jumıstıń, oyın momentlerin paydalanıw múmkinshiligi esabınan qızıǵıwshılıqtı hám biliwshilik aktivlikti kóteriwge boladı. Kompyuter oqıtıwshıǵa jańa múmkinshilikler beredi yaǵnıy biliwshilik protsess penen shuǵıllanıwdan, oqıwshılar menen birgelikte qanaatlanıwshılıqtı alıwı.
6. Kompyuter menen qádimgi sabaqtı integrallastırıw. Bul jaǵdayda oqıw protsessi qızıqlı, intensivli hám hár túrli formada boladı. Dara jaǵdayda, anıqlamanı, teoremanı hám basqada materialdıń áhmiyetli bóleklerin tezirek jazıw protsessi payda boladı. Sebebi, oqıtıwshıǵa teksti birneshe mártebe takrarlaw zárurligi bolmaydı (ol ekranda kórsetilgen), oqıwshı kerekli bolǵan fragmentti, oqıwshınıń qaytalawın qútip otırmaydı.
7. Bul oqıtıw usılı oqıtıwshılar ushında júdá qızıqlı : olarǵa oqıwshınıń qábiletin hám bilimin jaqsı bahalawda járdemlesedi, onı túsiniwge, taza traditsion emes formanı hám oqıw metodların izlewge túrtki boladı, onıń professional ósiwine hám kompyuterdi tolıq ózlestiriwge stimul beredi.
8. Sabaq protsessinde, kompyuterlerde testlerdi hám diagnostikalıq komplekslerdi qollanıw, oqıtıwshılarǵa qısqa waqıt ishinde, barlıq oqıwshılardıń taza materialdı ózlestiriwdiń ob`ektiv kartınasın alıwǵa hám onı óz waqıtında korrektirovka jasawǵa múmkinshilik beredi. Bunda, bazı bir oqıwshılar ushın, ózlestiriw múmkinshiligine baylanıslı, tapsırmalardı saylaw múmkinshiligi bar.
9. Oqıwshılar ushın sol nárse áhimiyetli, testi orınlap bolıwdan, ol qátesi kórsetiliwi menen ob`ektiv nátiyjeni aladı. Mısalı, bul awızsha sorawda yamasa jazba jumısta múmkin emes.
10. Oqıwshlardıń házirgi informatsiyalıq texnologiyalardı ózlestiriwi. Informatika menen integrallastırılǵan sabaqlarda, oqıwshılar kompyuterliq sawatxanlıqtı iyeleydi hám hár túrli predmetlerdiń materialları menen islesiwdi úyreniwde , en quuatlı házirgi zaman universal instrumentlerinen biri bolǵan – bul kompyuter, onıń járdeminde teńlemelerdi sheshedi, grafiklerdi hám sızılmalardı jasaydı, testlerge tayarlanadı hám ózleriniń jumısları ushın súwretler tayarlaydı. Bul – oqıwshılar ushın ózleriniń dóretiwshilik qábiletiniń payda bolıwına múmkinshilik. Biraqta, IKT qollanıwdıń artıqmashlıǵı menen birge, onıń bir qatar mashqalalarıda bar.