Diktant tu’rleri ha’m metodikasi

AYTIW DIKTANTI


Quslar
Ba’ha’r keldi. Ku’nler ısıp, tu’rli quslar ushıp kele basladı. Quslar atız ha’m bag’dag’ı zıyanlı ja’nliklerdi terip jeydi. Ag’am quslarg’a ju’da’ miyirban. Ol uya soqtı ha’m terektin’ shaqasına ildirip qoydı. Quslar endi usı uyada jasaydı.


Bizin Watan
Biz Watanımızdı jaqsı ko’remiz. Watanımızdın’ ten’iz ha’m da’ryaları, taw ha’m tog’ayları, qala ha’m awılları ju’da’ go’zzal. Watanımızda zamanago’y imaratlar, shıraylı maydanlar ko’beymekte. Watanımız ku’nnen-ku’nge jaynamaqta. Biz Watanımız benen maqtanısh etemiz.


TEKSERIW DIKTANTI


Tas
Bir bala ko’shede ketip baratırg’an edi. Bir tastı ko’rip qaldı. Bala onı shetke alıp qoymadı.
Usı arada bir buzaw balanın’ aldına kele basladı. Bala qorıqqanınan artına qarap qashtı. Ol tez juwırdı. Usı waqıtta jan’ag’ı tasqa qag’ılıp jıg’ıldı. Bala o’zinin’ qılmısınan o’kindi.


KO’RSETIW DIKTANTI


Jazda
Jaz iyun ayınan baslanadı. Quyash ku’n sayın biyik ko’teriledi. Hawa temperaturası artıp baradı. Miyweler pisedi. Biyday sarg’ayadı. Balalar dem aladı. Lager ha’m bag’larda oynaydı. Tu’rli kitaplardı oqıydı. U’lkenlerge ja’rdem beredi.


YADTAN JAZIW DIKTANTI


Hikmetler
Az so’ylesen’ de, saz so’yle.
Shiyrin so’z benen tastı da eritip jiberse boladı.
Durıs so’z tastı jarar, jalg’an so’z bastı.


TEKSERIW DIKTANTI


Muratjannın’ maqseti
Jazg’ı dem alıstı awılda – dayımlardikinde o’tkeremen. Atız jumıslarında olarg’a ko’meklesemen. Dayımnın’ Shuhrat degen balası bar. Onın’ menen pomidor, kartoshka teremen. Erik, alma terip, olardı qaqlaymız. Qısta olardı qaynatıp ishemiz.


AYTIW DIKTANTI


Dem alısta
Jazdın’ ıssı ku’nleri baslandı. Biz 2-klasstı tamamlap, dem alısqa shıqtıq. Dem alısta kitaplar oqıp, qosıqlar yadlawdı rejelestirdik. Men to’rt kitap oqıdım. Eki qosıq yadladım. Endi jumbaqlar ha’m naqıllardı yadlayman. Dem alısta islegen jumıslarımız jan’a oqıw jılında jaqsı oqıwımızg’a ja’rdem beredi.


U’ SH I N SH I K L A S S