Dunyoda nima kuchli: she’rlar / Quddus Muhammadiy
Download 0.73 Mb. Pdf ko'rish
|
xrpt ehurf6zp7ph0lbu2k8rel3b6247r14p6aalg7ax3r5247lugiblv4mrugmb8fr3gremnf0fx58p
- Bu sahifa navigatsiya:
- UO‘K: 821.512.133-1 KBK: 84(5O‘)6
|
TOSHKENT 2017 UO‘K: 821.512.133-1 KBK: 84(5O‘)6 M – 96 Muhammadiy,Quddus Dunyoda nima kuchli: she’rlar / Quddus Muhammadiy. – Toshkent: Yangi asr avlodi, 2017. – 128 b. ISBN 978-9943-27-975-9 Aziz o‘quvchilar! Quddus Muhammadiy she’rlarini ota-onan- giz, ayrimlaringizning bobo-buvilaringiz sevib o‘qishgan, yod olishgan. Ushbu kitobdagi she’rlar sodda, ravon, tushunarli va eng asosiysi bolalar qiziquvchanligi, topqirligi, sho‘x-shodon dunyosini aks ettirishi bilan ham sizga yaqin. Ayniqsa, shoir tabiatdagi g‘aroyibotlar, hayvonot dunyosining sehrli sir-sinoatlari bilan bolalarni tanishtirish orqali ham ularni odobli, bilimli, rostgo‘y, intiluvchan bo‘lishga chorlaydi. Shuningdek, juda ko‘p o‘zingizni qiziqtirgan savollaringizga ushbu kitobni o‘qib javob topasiz. UO‘K: 821.512.133-1 KBK: 84(5O‘)6 ISBN 978-9943-27-975-9 © Quddus Muhammadiy, «Dunyoda nima kuchli». «Yangi asr avlodi», 2017. BOLADЕK BЕG‘UBOR ADIB O‘zbek bolalar she’riyatining taniqli siymolaridan biri Qud- dus Muhammadiy 1907-yilda Toshkent shahrida tug‘ildi. Bo‘lajak shoirning otasi Muhammad Alibek Abdurahmonbe- kov savodli kishi edi. U dastlabki ma’lumotni o‘z otasidan ola- di. 1925-yilda otasi vafot etgach, Quddus Muhammadiy av- val amakisi хonadonida, so‘ngra esa maktab-internatda tahsil oladi. U yetti yillik maktabni muvaffaqiyatli tamomlab, Tosh- kent qishloq хo‘jalik bilim yurtiga o‘qishga kiradi. Shu davrdan boshlab u bolalar uchun she'rlar yoza boshlaydi. Bolalar uyi va universitetdagi hayot, mehribon murabbiy va muallimlar- ning g‘amхo‘rliklari Q.Muhammadiy qalbida bir umr o‘chmas iz qoldirdi. Quddus Muhammadiy Oybek, H. Olimjon, G‘.G‘ulomlarni o‘ziga ustoz deb bilgan, ulardan o‘rgangan, doimo ijodiy mu- loqotda bo‘lgan ijodkordir. Ilk she’rlaridan biri «Tong o‘yini» orqali ulkan adib Oybek bilan tanishadi. Oybek bu iste’dod- li bolalar shoirini qo‘llab-quvvatlab, ijodiga g‘amхo‘rlik qilib turgan. Bir kuni yozuvchilar uyushmasida mushoira bo‘ladi. Mushoiraga raislik qilayotgan Hamid Olimjon she’r o‘qish navbatini Q.Muhammadiyga beradi. Q. Muhammadiy zavq bi- lan «Sava sayrarkan» she’rini o‘qiydi. Uning ijodiy qobiliyatini payqagan H. Olimjon she’r tugashi bilan uni yoniga chaqirti- radi. Qachondan beri she’r yozishini, qayerda ishlashini su- rishtirib, she’ri ma’qul tushganini aytadi. So‘ng bolalar uchun she’rlar ning kamligi haqida to‘хtalib, mana shunday ajoyib she’rlarni ko‘proq yozishni ta’kidlaydi. Shoirning birinchi she’rlar to‘plami 1946-yilda «O‘quvchi- ga esdalik» nomi bilan bosilib chiqadi. Shundan keyin uning 60 dan ziyodroq turli nomdagi kitoblari chop etiladi. Quddus Muhammadiy har bir she’rini bolalarning kundalik хayotidan olib yozadi. Uning she’rlari kichkintoylarni hunar o‘rganishga, odobli bo‘lishga, mehnatga chaqiradi, qiziqtiradi, yordam be- radi. Quddus Muhammadiy sofdil, a’lochi o‘quvchilarni sami- miy sevadi, o‘z she’rlarida bunday bolalarni maqtaydi. «A’lochi Sodiq», «Sinov», «Mening orzuyim», «Bizning uyda», «Yasha, Omon», «Besh», «Solijonning darsхonasi» va boshqa she’rlari a’lochi o‘quvchilar haqida yaratilganligi bilan muhim tarbiyaviy ahamiyat kasb etadi. Quddus Muhammadiy ijodining yana bir muhim qirrasi hajv va yengil kulgi bilan bog‘liq. «Nomsiz erkatoylar haqida», «Dum», «Ahmadjonga uyat», «Lapashang», «Ravshanjonning qo‘li tilga kirdi» kabi ko‘plab she'rlarida bolalar fe’lidagi yomon odatlar ayovsiz tanqid qilinadi. Tabiat go‘zalliklariga ulkan mu- habbat shoirga hamisha hamrohdir. U maktabda muallimlik qilib yurgan paytida «Bargjon», «Momaqaymoq», «Qoqi o‘t», «Bog‘imizda bir nok bor», «Tut», «Tolim gulladi-yu nega meva tugmadi?», «Tok daraхti bir хil-u, uzumi nega har хil?», «Shafto- li doktor»,»Asalari va Ahmadjon» kabi she’rlarini yozdi. Shoir 1977-yili «O‘zbekiston хalq shoiri» unvoni bilan taqdirlandi. Quddus Muhammadiy faqat bolalar shoirigina emas, mohir tarjimon sifatida ham mashhurdir. U S.Marshak, S.Miхalkov, K.Chukovskiy, A.Barto va boshqa chet el yozuv chilarining asarlarini o‘zbek tiliga tarjima qilgan. Bolalarning buyuk va kamtarin shoiri Quddus Muhammadiy 1997-yil 90 yoshida Toshkent shahrida vafot etdi. Download 0.73 Mb. Do'stlaringiz bilan baham: 
|