Ekonomika fakulteti jetekshiligine talaban Atamuratov Asilbektiń kasting aldınan belgilep alǵan maqset hám wazıypaları

Ekonomika fakulteti jetekshiligine talaban Atamuratov Asilbektiń kasting aldınan belgilep alǵan maqset hám wazıypaları.

1. 
   Social Media betlerin rawajlandırıw
   

Tolıq: Házirgi waqıtta fakultetimiz(derlik barlıq fakultettiń) social medialardaǵı betleri durıslı rawajlanbaǵan. Tek ǵana telegram kanalı bar. Ol kanal derlik júritilmeydi. Sol sebepli fakultetimizde bolıp atıtǵan jańalıq hám daǵazalardan studentlerdiń basım kópshiligi xabarsız qalıp ketpekte. Meniń maqsetim social media arqalı fakultetimizdi tolıq jarıtıp beriw.

2. 
   Taza logotip jaratıw
   

Tolıq: Fakultetimiz házirgi logotipi kóp jıllardan berli paydalanbaqta. Derlik gónerdi hám sapası júdá tómen. Fakultetimiz ekonomika hám bizneske tikkeley baylanıslı bolǵanlıqtan eń birinshi ózimizdiń brendimizdi rawajlandırıp alıwımız kerek.

3. 
   Zakawat fakultet saylandı komandasın dúziw
   

Tolıq: Sońǵı jılları mámleketimizde zakawat intellektual oyınlarına úlken itibar qaratılmaqta. Universitetimiz kóleminde de kóplegen jarıslar ótkerilip kelmekte. Biraq hár jarısta Ekonomka fakulteti studentleri qatnasıwda mashqalalar kelip shıǵadı. Qatnasatuǵın adam tawılmay qaladı. Qatnasıwdi qálewshi studentler bolsa joqarıda aytqanımday social media rawajlanbaǵanlıǵı sebepli biyxabar qaladı. Maqsetim Fakultettiń zakawattan saylandı komandasın dúzip hám joqarı nátiyjelerge erisiw.

4. 
   KVN jarısın ótkeriw
   

Tolıq: Usı jılǵı oqıw jılında derlik kópshilik fakultetlerde KVN jarısları ótkerildi. Biraqta Ekonomika fakultetinen tısqarı. Ótkeriw máselesi boyınsha jaslar jetekshisine bir neshe márte múraját ettik. Biraq ótkerilmedi. Sol sebepli student jaslardıń qálewlerinen kelip shıqqan halda bul wazıypanı ámelge asıraman.

5. 
   Fakultet volontyor klubın jaratıw
   

Tolıq: Student jaslardıń bos waqıtların bos ótkermew hám olardı iygilikli maqset jolında birlestiriw ushın volontyor topar shólkemlestiriw. Olar menen birgelikte kóplegen joybarlar ámelge asırıp, xalıqqa xızmet etiw. Álbette bul student jaslardıń bir-birine degen húrmetin asırıp, komanda bolıp islesiw qábiletin rawajlandırıwǵa úlken járdem beredi. Bul óz gezeginde studentlerdiń karyerasınada paydasın tiygizedi.

6. 
   Student hám Dekan arasında anonim baylanıs telegram-botın jaratıw
   

Tolıq: Házirgi waqıtta student jaslar óz múrájat, usınıs hám arzların dekanatqa tikkeley ayta almaydı. Sol sebepli olardıń múrájatları tuwrıdan-tuwrı dekanǵa jetip barıw ushın telegem anonim botın iske túsirmekshimen. Bul arqalı studentler óz mashqalalarına tez hám unamlı sheshim tawa aladı.

7. 
   Biznesmen menen ushrasıw ótkeriw
   

Tolıq: Ekonomika fakulteti biznes hám isbilermenlikke tikkeyley baylanıslı. Biraqta oqıw baslanǵanlı berli bizde 1-kurs studentleri ushın heshqanday bizneske baylanıslı iláj ótkerilmedi. Sol sebepli student jaslardı bizneske degen qızıǵıwshılıǵın arttırıw ushın fakultette hár ayda belgili isbilermen hám ekonomika tarawında oqıp jetiskenlikke erisken insanlar menen ushrasıw ótkeriw. Bul arqalı jaslar ózlerine paydalı bolǵan hám qızıqtırǵan sorawlarına juwap alıp onı karyera jolında qollay aladı.

8. 
   Fakultet kóleminde bir neshe nominaciyalar engiziw
   

Tolıq:

1. 
   JÍL STUDENTI nominaciyası.
   

Bir oqıw jılı dawamında belsene qatnasqan studentler arasınan bir studentti “JÍL STUDENTI” etip belgilew. Bunda studenttiń bilimi, sabaqqa qatnası, ilájlerge qatnasıwı, erisilgen jetiskenlikleri esapqa alınadı. Bul studentlerdiń oqıwǵa degen qızıǵıwshılıǵın arttırıwǵa járdem beredi.

2. 
   JÍL STAROSTÍ nominaciyası.
   

Bir oqıw jılı dawamımda óz toparı ushın tınbay háreket etken, toparınıń belsendiligin támiynlegen starostanı “JÍL STAROSTÍ” etip belgilew.

3. 
   JÍL TOPARÍ nominaciyası.
   

Bir oqıw jılı dawamında eń belsendi qatnasqan topardı “JÍL TOPARÍ” etip belgilew. Bunda topardıń bir jıl dawamında sabaqqa qatnası, bilim dárejesi, studentleriniń aktivligi, jarıslarda orın alıwı hám basqada kriteriyalarǵa qarap saylanadı.

9. 
   Sabaqtan tıs klublar shólkemlestiriw
   

Tolıq: Student jaslardıń sabaqtan tıs waqıtların mazmunlı hám paydalı ótkeriw ushın SPEAKING CLUB shólkemlestiriw. Ol arqalı studentler shet tilin úyreniwi jánede ańsatalasadı. Jánede studentler arasında kitapqumarlıqtı asırıw ushın BOOK CLUB shólkemlestiriw.