Ekonomika fakulteti

1.3. «Hamkorbank» aksiyonerlik kommerciya bankiniń ekonomikalıq xarakteristikası
Shet el kapitalı qatnasıwındaǵı «Hamkorbank» aksiyonerlik kommerciya banki dáslep 1991 jılda 1 sentiyabrde Andijan bank degen at penen óz jumısın baslaǵan, 2000 jılǵa kelip 13 maydaǵı qararına muwapıq bank atı Hamkor bank dep ózgertirilgen hám Ózbekistan Respublikası aymaǵında yuridikalıq adreske iye. Bankimiz óz iskerligin daslep Andijan qalasında “Andijanbank” atı menen baslaǵan. Bank Ózbekistan Respublikasında bank hám valyuta operatsiyaları boyınsha jumıs alıp barıw ushın dizimge alınǵan. Bank 2000 jıl 24 iyulda 64 sanlı Ózbekistan Respublikası Oraylıq banki tárepinen dizimnen ótken. 64-sanlı bank litsenziyasına muwapıq isleydi (1991 jıl 1 sentiyabrde berilgen licenziya 2000 jıl 24-iyulda Oraylıq bank tárepinen bank operatsiyaları ushın berilgen 64-sanlı litsenziyalar hám valyuta operatsiyaları ushın ulıwma litsenziyalardı almastırǵan). Jaylasqan jeri Ơzbekstan Respublikası Andijan qalası, Bobur shax kóshesi, 85 úy, Qaraqalpaqstan Respublikası filialı adresi Nókis qalası, Amir Temur kóshesi
B ank yuridikalıq hám fizikalıq adamlardıń amanatların qabıl etedi hám kredit beredi, tólewlerdi ótkeredi. Bank óz iskerligin Andijan qalasında jaylasqan Bas ofisi arqalı, sonıń menen birge, 2020 jıl 31 dekabr jaǵdayına kóre Ózbekistan Respublikası aymaǵında jaylasqan 44 filialı arqalı ámelge asıradı. Házirde bank 173 xizmet kórsetiw shaxabshalarına iye bolıp, 120 ta mini bank hám 10 bank xızmetlerin kórsetiw orayları, sonıń menen birge, bank 5 qospa kompaniyasın jolǵa qoydı.
2022 jıl dawamında bank tárepinen ámelge asırılǵan jumıslardan S&P Global Ratings Hamkorbanktiǹ “Unamlı” reytingin tastıyıqladı. Hamkorbank hám Raiffeisen Bank Qitay yuanında sheriklik shártnamasına qol qoydı. Biznes xızmeti — MARTA mobil terminalın jumısqa túsirdi. Hamkorbank Kia, Renault hám BYD avtomobilleri ushın aksiyalı kreditler liniyasini jumısqa túsirdi. Hamkorbank óz kartaları qatarın visa-Qumay kobrend kartası menen keńeytirdi. XMK mikrofirma hám kishi kárxanalardı, sonıń menen birge, isbilermen hayallardı qollap-quwatlaw maqsetinde “Hamkorbank”ga 15 million AQSh dolları ajratdı. Hamkorbank baylanıs orayı joqarı bahaland. Hamkorbank “Alo” (uz) AAA reytingine iye boldı. Eki jańa bank xızmetlerin shaqapshaları - Murabod hám Sergeli ashıldı. 2022-jıl 30 -sentyabrde “Moody's” xalıq aralıq reyting agentligi “Hamkorbank” ATB iskerligin “Unamlı” dep bahaladı. “Hamkorbank” aktivleri 17 trln. sumnan astı. 2022 jıl juwmaqlarına kóre visa xalıq aralıq tólem sisteması Hamkorbankti Isenimli sherik retinde tán aldı. Forbes reytingine kóre Ózbekstannıń eń isenimli bankleri 10 lıǵına kirdi.