Ekonomika fakulteti

3-súwret. 2021 jıl ushın «Hamkorbank» aksiyonerlik kommerciya bankiniń aksiyaları úlesi payızda¹⁵
«Hamkorbank» aksiyalarınıń 60,75 payızın fizikalıq shaxslar iyelik etetuǵın bolsa, 39,25 procenti yuridikalıq shaxslarǵa tiyisliı. Usı akcionerler sıpatında yuridikalıq shaxslardan: Xalqaralıq Finans Korporaciyası hám Nederlande Financierings-Maatschappij Voor Ontwikkelinglanden N.V. ibarat. Ustav kapitalında bank tárepinen 21.554.966.000 (jigirma bir million bes júz tórt million oqsan toǵız júz alpıs altı mıǹ) dana jaylastırılǵan bolıp, hár bir akciyanıǹ nominal bahası 5 swmnan ibarat bolıp, 107.774.830.000 swmdı quraydı. Jeǹillikli akciyaları 25% ten aspaydı yaǵnıy atı jazılǵan ápiwayı akciyalar 20.881.541.000 dana akciya bolıp, 673.425.000 dana jeǹillikli akciya esaplanadı. Bank esabat dáwiri jıldıǹ 1 yanvardan 31 dekabr dep esaplanǵan.
Izertlew obektleri bolǵan banklerimiz analizlerden sonı kóriwimiz múmkinki, respublikamız kommerciya bankleri basqarıwında ámelge asırılıp atırǵan reformalardıń nátiyjesi olaroq, kommerciya bankleriniń aktivleri kólemi artıp barıp atır. ATB «Hamkorbank» bolsa 01.01. 2022 jıl jaǵdayına jámi aktivler kólemi 15347900 mln. swmdı quraǵan.

1-sızılma. «Hamkorbank» bank balans aktivleri¹⁶
Unamlı nátiyjelerge erisiwde kommerciya bankleriniń aktiv operatsiyalardı durıs basqarıw ilájları úlken áhmiyetke iye. Sol orında kommerciya bankleriniń aktivleriniń quramı hám úlesin analizlesek, bul arqalı aktiv operatsiyalardıń basqarıw strategiyasın tiykarlanıp qaysı operatsiya túrine qaratıw kerek ekenligi ayqın kórinetuǵın boladı. Xalıq aralıq tájiriybeden sonı kóriw múmkin, aktivler diversifikatsiyası siyasatı ámelge asırılǵan bolıp, tek ǵana kredit operatsiyalarınan emes bálki qımbatlı qaǵazlar, investiciyalar hám dástúriy emes kredit operatsiyalar salmaǵı joqarı úleske iye. Sonıń menen birge dáramat dáreginiń tiykarı bolǵan kredit portfeliniń kólemi, keying 3 jıl ishinde «Hamkorbank» 54,12 % ke kredit portfeli kóleminiń artqanın kóriwimiz múmkin. «Hamkorbank» bank AKJ niǹ finanslıq esabatların kórip shıqsaq, aktivler hám passivler quramın analiz etiwimiz mimkin hám qoyındaǵı kóriniske iye bolamız ( 1-keste). Kesteden kórinip turǵanınday, banktiń dáramat keltiretuǵın aktivleri keyingi jıllar boyınsha kemeygenligin kóriwimiz múmkin, bank aktivlerin durıs jayǵastırılmaǵanlıǵın kóriwimiz múmkin.