Elektr energetikasi

4-LABORATORIYA ISHI
“Altair Jr” dasturida ma’lumotlarni yig‘ish va ularni qayta ishlashni o‘rganish

Ishdan maqsad: Talabalarga ENHAT Altair Jr dasturi paketi tarkibini va uning imkoniyatlarini o‘rgatish va ularda bu dastur yordamida ishlash ko‘nikmalarini shakllantirish.

Nazariy qism

Ishning boshlanishi

4.1-rasm. DT ni ishga tushirish
Altair Jr o‘rnatilganidan keyin, “Pusk” (“Ishga tushirish”) menyusidan mos bo‘limni tanlash orqali u ishga tushirilishi mumkin. Dasturni ishga tushirilishi admin nomi va admin paroli bilan amalga oshirilishi zarur (4.1-rasm). Dastur ma’mur (tizimni sozlash) yoki dispetcher (to‘g‘ridan­to‘g‘ri ishlash) ish rejimlaridan birida ishga tushirilishi mumkin. Rejimni tanlash kiritish oynasida foydalanuvchi nomi va paroli orqali amalga oshiriladi, keyin esa bu axborot ishchi oyna sarlavhasida aks etadi.

4.2-rasm. Joriy o‘lchashlar bo‘limiga kirish
Tizimda ikki turdagi foydalanuvchilar aniqlanishi mumkin: ma’murlar va dispetcherlar. Ma’murlar tizimni sozlashni amalga oshirishi, shuningdek, dispetcherlarni imkoniyatlarda cheklashi mumkin.
Joriy o‘lchashlar
Bu menyu tok, kuchlanish, quvvatlarning oniy qiymatlarini, shuningdek, tarmoq sifatini xarakterlaydigan parametr qiymatlarni olishga imkon beradi. Bu imkoniyat tarmoqni sifat ko‘rsatkichlarini operativ nazorat qilishga imkon beradi, dasturda bu qulay grafik shaklda taqdim etilgan. Tok va kuchlanishlar vektor diagrammalarini grafik aks ettirilishidan tashqari, quyidagi ko‘rsatkichlar haqida atroflicha raqamli axborotlar chiqariladi:

• 
  aktiv va reaktiv quvvat, tarmoq chastotasi, tarmoq sifati;
  
• 
  bashorat qilinadigan yuklama grafigining keyingi nuqtasi qiymati (PA_Next);
  
• 
  har bir faza bo‘yicha kuchlanish va toklar qiymati.
  

Y uqori qismda hisoblagichning nomi, u kiradigan hisoblagichlar turkumi, axborot dolzarb bo‘lgan vaqt ham aks ettiriladi.
H