Электр машиналарнинг ривожланиш истиқболлари Махсус мақсадли ЎТ машинасининг униполяр (қутблари бир номли) ва магнитогидродинамик турлари ҳам мавжуд бўлиб, улар тор соҳалар учун мўлжалланишини таъкидлаш билан чегараланиб мазкур бобда махсус мақсадли ўзгармас ток машиналарининг амалда кенг қўлланиладиган ҳамда истиқболли турларига оид маълумотлар келтирилган. - Махсус мақсадли ЎТ машинасининг униполяр (қутблари бир номли) ва магнитогидродинамик турлари ҳам мавжуд бўлиб, улар тор соҳалар учун мўлжалланишини таъкидлаш билан чегараланиб мазкур бобда махсус мақсадли ўзгармас ток машиналарининг амалда кенг қўлланиладиган ҳамда истиқболли турларига оид маълумотлар келтирилган.
- ЎТ тахогенераторлари конструкцияси ва ишлаш принципи бўйича мустақил электромагнит қўзғатишли ёки қўзғатиш майдони доимий магнит билан хосил қилинадиган кам қувватли коллекторли ЎТ машиналаридир (32.1–расм). Улар чиқиш клеммаларидаги кучланиш катталигига қараб айланиш частотасини ўлчаш учун хамда автоматик назорат қилиш ва ростлаш схемаларида валнинг айланиш частотасига мутаносиб бўлган электр сигналлари олиш учун хизмат қилади.
- Ижрочи ЎТМ лари (32.2-расм) электр сигналларни механик харакатга айлантириш учун мўлжалланган. Бундай моторлар кам инерцияли, яъни бошқариш ЎТМ ни тезкорлик билан механик харакатга оширадиган бўлиши лозим. Одатдаги конструкцияли ЎТМ ларида якорь ўзагининг мавжудлиги якорнинг инерция моментини анча орттиради. Шу сабабли ижрочи ЎТМ лар пазсиз якорли ва якори босма чулғамли қилиб тайёрланади.
- Умумий мақсадли ЎТМ ларига қўйиладиган талаблардан ташқари ижрочи ЎТМ ларига бошқариш сигналининг узилиши билан ўз харакатини дархол тўхтатиши ва инерциясининг камлиги каби махсус талаблар қўйилади.
Do'stlaringiz bilan baham: |