2-МАВЗУ Интеграл микросхемалар (ИМС) Режа - ИМС.
- ИМС нинг тавсифланиши.
- Яримўтказгичли ИМС лар.
- ИМСлар яратишнинг технологик жараёни.
ИМС Интеграл микросхема – юқори зичликда жойлаштирилган элемент ва компонентларнинг (транзистор, диод, резисторлар ва ҳ.к.з) конструктив ва электрон жиҳатдан уланган микроэлектрон қурилмаси бўлиб, сигналларни қайта ишлаш (ўгириш) учун мўлжалланган. ИМС (англ. chip «юпқа пластинка» маъносини ҳам билдиради. ИМС - Интеграл микросхема (ИМС) ўта ихчам, ўта пишиқ, кичик таннархга эга бўлган ва кам қувват истеъмол қиладиган радиоэлементдир.
- ИМС элементи деб, конструкцияси бўйича кристалл ёки асосдан ажралмайдиган, электрорадиоэлемент (ЭРЭ) функциясини бажарувчи ИМСнинг қисмига айтилади.
- ИМС компоненти деб, дискрет элемент функциясини бажарувчи, лекин монтаждан аввал мустақил маҳсулот бўлган ИМСнинг бўлагига айтилади.
ИМС ўлчамлари - ИМСлар 22X22X4 ммли тўғри тўртбурчак шаклдаги ёки диаметри 9,4 мм бўлган цилиндр шаклдаги металл ёки металл шиша қобиқларга жойлаштирилади. Замонавий яримўтказгичли ИС кристалларининг ўлчамлари 20 х 20 мм2 ни ташкил этади. Қобиқлар яна полимер материаллардан ҳам ясалиши мумкин, чиқишлари эса латундан ясалади.
- Қобиқсиз микросхемалар полимер материал бўлган термореактив компаунд билан усти қуйиб ҳимояланади.
ИМСлар тавсифи - Интеграция даражасига кўра: кичик, ўрта, катта, ўта катта, ультра катта ва гига катта ИМСлар (кичик-100 тагача элемент, ўрта-100-1000, катта-1000-10000, ўта катта-10000 дан ортиқ).
- Қабул қилинаётган, сақланаётган ва ишлов берилаётган сигнал турига кўра: аналог ва рақамли ИМСлар;
- Тайёрланиш конструктив-технологик турига кўра: яримўтказгичли, пардали ва гибрид ИМСлар;
- Актив элемент турига кўра: биполяр транзисторли ва МДЯ-транзисторли ИМСлар;
- Истеъмол қувватига кўра: кам қувватли, ўрта қувватли, катта қувватли ИМСлар;
- Ишчи частотасига кўра: паст частота, ўрта частота ва юқори частота ИМСлари;
- Элементларни бир-биридан изоляцияланиш усулига кўра ва х.з.
Do'stlaringiz bilan baham: |
