Етказувчи машиналар. Куракли конвейерлар. Умумий тузилиши ва қўлланилиши

Куракли конвейерларнинг афзалликлари ва камчиликлари, уларга šўйиладиган талаблар. Турлари
Афзалликлари:
- ташилувчи юкнинг намлиги ва бўлакларининг катталигига ҳам боғлиқ бўлган юкори барқарор унумдорлик;
- эгри йўл бўйлаб юк ташиш мумкинлиги;
- рештак гавда тузилиши узунлигини узгартиришнинг нисбатан соддалиги;
- юклаш томонида бортнинг баландлиги катта бўлмаганлиги туфайли юклашнинг қўлайлиги;
- комбайнни конвейер рамасида юриши мумкинлиги (агрегатли конвейерлар учун);
- портлатиб юклашни қўллаш мумкинлиги;
- конвейерни бўлакларга ажратмасдан суришнинг мумкинлиги.
Камчиликлари:
- конвейер ишлаш принципининг такомиллашмаганлиги;
- ташиш жараёнида кўмирнинг майдаланиши;
- занжир ва рештакларни тез емирилиши;
-конвейер, занжир ва куракчаларнинг оғирлиги (хаммаси металлдан бўлганлиги учун);
-энергия сарфининг нисбатан юқорилиги;
- конвейер ишлашида катта шовқин ҳосил бўлиши.
Куракли конвейерларга šўйиладиган талаблар:
- қазиш машиналарининг мумкин бўлган энг катта унумдорлигидан кичик бўлмаган унумдорликни таъминлаш;
- лавада қўлланиладиган конвейернинг узунлиги лаванинг узунлигидан кичик бўлмаслиги керак;
- секцияларнинг ўлчамларини эни (лавани мустахкамлаш талаби билан боғлиқ) ва баландлиги (конвейерга юклашни таъминлаш учун керак) бўйича чеклаш;
- четки конструкциялар ўлчамлари мумкин қадар кичик бўлишига эришиш;
- конвейер гавда тузилишининг қатлам текислигида ҳамда вертикал текисликда эгилиши мумкинлигини таъминлаш.
Куракли конвейер турлари:
Мавжуд куракли конвейерлар қабул қилинган типажга асосан қуйидаги тўрт турга бўлинади:
СК («скребковый консольный» сўзларининг бош ҳарфлари) - бир занжирли консоль куракчали конвейерлар, яъни занжирга куракчаларни фақат бир учи уланган конвейерлар. Бундай конвейерларда юкли ва юксиз шохобчалар битта горизонтал текисликда ёнма – ён жойлашган бўлади (3,7, - расм);
С- юкли шохобчаси юксиз шохобчасининг устида жойлашган бир занжирли куракли конвейер (3,7, - расм);
СР (Р- разборный) – икки занжирли бўлинувчан конвейер (3.8, - расм);
СП (П - передвижной) - икки занжирли сурилувчан конвейер (3.8, - расм);

3.7-расм. Типажга киритилган куракли конвейерларнинг СК (а) ва С (б) турлари

3.8-расм. Типажга киритилган куракли конвейерларнинг СР (а) ва СП (б) ту