Европа иттифоқида «омикрон»га қарши яна бир вакцина маъқулланди

Европа иттифоқида «омикрон»га қарши яна бир вакцина маъқулланди
Европа комиссияси, ЕДА тавсияларига асосланиб, «омикрон» BA.4 ва BA.5 субвариантларига қарши курашиш учун мўлжалланган яна бир дори воситасидан фойдаланишни маъқуллади. 
Европа комиссияси (ЕК) «омикрон» варианти BA.4 ва BA.5 турларига мослаштирилган SARS-CoV-2 коронавирусига қарши BioNTech/Pfizer компанияларининг яна бир вакцинасини тасдиқлади. Бу ҳақда 12 сентябр, душанба куни Европа комиссияси раиси Урсула фон дер Ляйен хабар берди,
«Омикрон»нинг турларига қарши курашиш учун янги вакцинадан фойдаланиш аввалроқ Европа дори воситалари агентлиги (ЕДА) тегишли қўмитаси томонидан тавсия этилганди. Агентликнинг таъкидлашича, Comirnaty Original/Omicron BA.4-5 билан такрорий эмлаш 12 ва ундан катта ёшдаги одамларга тавсия этилади. 
«Биз ковид ҳанузгача таҳдид эканини биламиз. Шунинг учун ҳозиргина ЕДА тавсияси асосида BioNTech/Pfizer бустерини маъқулладик. Бу кузда хавфсизроқ бўлишимизга ёрдам беради. Эмлаш ҳали ҳам COVID-19’дан ҳимояланишнинг энг яхши усули ҳисобланади», - деб ёзди фон дер Ляйен Twitter’да.
ЕДА қарори 1 сентябрда тасдиқланган Comirnaty Original/Omicron BA.1 янги вакцина прекурсорининг клиник синовларига асосланган. Дори таркиби вакцинанинг янги версиясига жуда ўхшайди, дейилади регулятор баёнотида. 
Comirnaty Original/Omicron BA.4-5 бўйича клиник тадқиқотлар давом этмоқда, дея қўшимча қилди ЕДА. 
Роберт Кох институти маълумотларига кўра, ўтган кун давомида Германияда яна 54 930 кишида COVID-19 аниқланган ва 90 бемор вафот этган. Пандемия бошланганидан бери Германияда 32,5 миллион кишида инфекция аниқланган, улардан 148 389 нафари вафот этган, 31,7 миллиони тузалиб кетган. BA.4 и BA.5 «омикрон» субвариантлари ҳозирда Германияда SARS-CoV-2 вируси билан касалланишнинг деярли барча аниқланган ҳолатларини ташкил этади, дея хабар қилди dpa агентлиги. 
12 сентябр ҳолатига кўра, Германияда коронавирусга қарши 184,9 миллион эмлаш амалга оширилган. Мамлакат аҳолисининг 76,3 фоизи тўлиқ эмланган, аҳолининг 62,1 фоизи эса вакцинанинг бустер дозасини олган. 
O‘zbekistonda vrachlarga ehtiyoj yuqori bo‘lgan hududlar uchun 2020/2021 o‘quv yilida bakalavriat va magistraturaga davlat granti asosida o‘qishga qabul parametrlarini 50 foizgacha oshiriladi. Shuningdek, Bakalavriat va magistratura o‘quv rejalaridagi mutaxassislikka oid bo‘lmagan fanlar 2 barobarga qisqartiriladi va o‘rniga zamonaviy diagnostika va davolash usullarini o‘rganish fanlari kiritiladi.
Bu haqda O‘zbekiston Respublikasi Prezidenti tomonidan imzolangan "Tibbiy-sanitariya sohasida kadrlarni tayyorlash va uzluksiz kasbiy rivojlantirishning mutlaqo yangi tizimini joriy etish chora-tadbirlari to‘g‘risida"gi Qarorida so‘z boradi.
Bundan tashqari, mazkur hujjatga muvofiq, tibbiyot OTMlarining davolash ishlari prorektorlari bir vaqtning o‘zida ushbu ta’lim muassasasi klinikalarining bosh shifokorlari sifatida faoliyat yuritadi. 
Ma’lum qilinishicha, 2020/2021 o‘quv yilidan boshlab chet tilini bilish darajasi to‘g‘risidagi xalqaro sertifikatga ega bo‘lgan tibbiyot OTM talabalari stipendiyasiga qo‘shimcha ravishda 428 ming so‘m miqdorida ustama to‘lanadi. Shuningdek, xalqaro reytinglarda tibbiyot yo‘nalishi bo‘yicha Top-200 talikka kirgan OTMlarning klinik ordinatura (rezidentura) va magistratura mutaxassisligini tamomlagan davlat tibbiyot muassasalari xodimlariga qo‘shimcha 4,7 mln so‘m har oylik ustama beriladi. Falsafa doktori yoki fan doktori ilmiy darajasini olgan xodimlarga ham davlat tibbiyot muassasalarida qo‘shimcha 10 mln so‘m har oylik ustama to‘lanadi.
Hujjatga ko‘ra, tibbiyot kollejlari negizida 47 ta Abu Ali ibn Sino nomidagi Jamoat salomatligi texnikumlari tashkil etiladi.
Bundan tashqari, 2021 yil 1 yanvarga qadar Nikolay Ivanovich Pirogov nomidagi Rossiya milliy tadqiqot tibbiyot universiteti va Turkiya Baxchishehir universitetining filiallari va klinikalarini tashkil etiladi.