Fakulteti tal`im yo`nalishi kurs guruh talabasi

Oksidlanish–qaytarilsih xususiyatli titrlash usuli asosida oksidlanish–qaytarilish reaksiyalari yotadi. Bunday miqdor analizi usulida oksidlovchi (qaytaruvchi) moddalarning titrlangan eritmalari yordamida qaytaruvchi (oksidlovchi) moddalarning miqdoriy tarkibi aniqlanadi. Oksidlanish–qaytarilsih xususiyatli titrlash usuli bir qator usullarga bo`linadi: permanganatometriya, yodometriya, bromatometriya, nitritometriya usullari.
Oksidlanish–qaytarilsih reaksiyalari ion almashinish reaksiyalariga nisbatan murakkabroq tarzda ketadi. Oksidlanish–qaytarilsih reaksiyalarining asosiy xususiyatlari quyidagilardan iborat:
1) ko`pgina reaksiyalarda faqatgina oksidlovchilar va qaytaruvchilar emas, balki boshqa moddalar ham (masalan, kislota va ishqorlar) bir–biriga o`zaro ta`sir qiladi;
2) reaksiyalar, ko`pincha, bir necha bosqichda amalga oshadi, bunda ularning har biri turli tezlikda sodir bo`ladi;
3) oksidlanish–qaytarilsih reaksiyalarining tezligi ion almashinish reaksiyalari tezligidan kichik. Shuning uchun ham oksidlanish–qaytarilsih reaksiyalari ma`lum muddat vaqtni hamda jarayonni tez oxiriga yetkazishni ta`minlaydigan maxsus sharoitlarni talab qiladi;
4) bir xil reaksiyaga olingan moddalar bilan turli yo`nalishdagi reaksiyalar sodir bo`lishi mumkin.
Asosida miqdoriy analiz qilinadigan oksidlanish–qaytarilsih reaksiyalari quyidagi talablarni qondirishi kerak:
1) reaksiyalar kerakli yo`nalishda amalga oshishi hamda amalda qaytmas bo`lishi kerak;
2) qo`shimcha reaksiyalar sodir bo`lmasligi kerak;
3) reaksiyalar yetarli tezlikda borishi kerak. Ko`pincha reaksiya tezligi sun`iy ravishda oshiriladi. Moddalarning xossalarini hisobga olib har bir analizda reaksiyaning kerakli tezlikka erishishi uchun sharoit yaratiladi.
Kurs ishining maqsadi. Oksidlanish–qaytarilsih xususiyatli titrlash usulida ishlatiladigan indikatorlar turlicha bo`lib, ular organik moddalardir hamda ularning o`zlari oksidlovchi yoki qaytaruvchilar hisoblanadi. Oksred–redoks indikatorlar deb ataluvchi bunday indikatorlar oksidlangan (qaytarilgan) shakldan qaytarilgan (oksidlangan) shaklga oson o`tadi, bunda ikkala shakl turli xil rangda bo`ladi.
Kurs ishining vazifasi.

1. 
   Kimyoviy reaksiya turlari
   
2. 
   Oksidlanish qaytarilish reaksiyasi
   
3. 
   Oksidlovchi va qaytaruvchila
   
4. 
   Oksidlanish qaytarilish reaksiyalari turlari ichki malekulalar aro va malekulalar aro
   
5. 
   Disproporsiya
   
6. 
   Simproporsiya haqida ilmiy tushuncha berishdan iborat.