Fan : Yozish va taqdimot qilish kompetensiyasi
Esse yozishda quyidagi talablarga
Download 0.54 Mb. Pdf ko'rish
|
Yozish va taqdimot qilish kompetensiyasi
- Bu sahifa navigatsiya:
- Essening tuzilishi. 1.Kirish 2.Asosiy qism. 3. Xulosa
- 2.Asosiy qism.
|
Esse yozishda quyidagi talablarga
qat’iy rioya qilinadi: • shaxsiy munosabatning bildirilishi; • tezis – kalit so‘zni to‘g‘ri aniqlash; • faktli dalillar (argumentlar); • nazariyaga asoslanish; • atamalarni o‘z o‘rnida qo‘llash; • sitatalar keltirish; • mantiqiy qonuniyatning saqlanishi; • taqqoslash va xulosalash usullaridan foydalanish; • savodlilik (uslubiy, imlo, tinish belgilari); • yumor, o‘tkir hajv; • foydalanilgan ilmiy manbalarga havolalar. Essening tuzilishi. 1.Kirish 2.Asosiy qism. 3. Xulosa 1.Kirish Kirish – mavzuni mantiqiy va uslubiy jihatdan bog‘lab oydinlashtirish. Bu bosqichda qalamga olingan mavzuni yoritish uchun savolni to‘g‘ri qo‘yish muhim. Chunonchi, bu o‘rinda esse yozuvchi "Kirish qismida ushbu mavzuga ma’lumot berish kerakmi?", "Men tanlagan mavzuning dolzarbligi qay darajada?", "Men esse yozish davomida o‘z fikrimni dalillash uchun qanday manbalarga tayanaman?", "Men kalit so‘zdan kelib chiqqan holda tezis qo‘ya olamanmi?" kabi savollarni o‘z oldiga qo‘yishi va shuning tevaragida fikr yuritgani ma’qul. Essening kirish qismi kamida, ikki xatboshidan iborat bo‘lishi va har bir xatboshida ikki-uch gap ifodalanishi mumkin. 2.Asosiy qism. Asosiy bo‘lim – mavzuning nazariy asosi va savolning mazmunini bayon etuvchi bo‘lim. Bunda mavzuga mos barcha bilimlar, asosiy fikr va muammoga bog‘liq dalil va faktlar jamlangan bo‘lib, unda dalillar, xabarlar, turli statistik ma’lumotlardan foydalanib, mavzu yoritiladi, ko‘tarilgan muammoning kelib chiqish sabablari oydinlashtiriladi. Bu jarayon birmuncha murakkabroq kechadi. Shu sababli, asosiy bo‘limni bir necha kichik qismlarga bo‘lish mumkin. Har bir qismni dalillar asosida yoritish asosiy savolga javob topishga ko‘maklashadi. O‘quvchining keltirilgan fakt va dalillarni taqqoslab, o‘z qarashlarini tahlil orqali ko‘rsatib borishi asosiy bo‘limning to‘liq yoritilishiga imkon beradi. 3. Xulosa Xulosa – mavzu bo‘yicha chiqariladigan yakuniy jumlalar bo‘lib, unda yangi fikr-mulohazalar bildirilmaydi, balki dalillarga suyangan holda yakun chiqarilib, uni yechish yo‘llari ko‘rsatiladi. Essening yakuniy qismida asosiy qismda berilgan muammoning yechimi tasdiqlanadi va mazmunning mohiyati ochiladi, ya’ni «Esse boshida ko‘tarilgan masala bo‘yicha nima deyish mumkin?» degan savolga aniq va tushunarli javob tarzida yozilishi kerak. Xulosa qismida quyidagi kirish so‘zlardan foydalaniladi: men shunday xulosaga keldimki.., qisqasi, asosiy fikrim shuki.., xulosa qilib aytganda... va boshqalar. Download 0.54 Mb. Do'stlaringiz bilan baham: 
|