Fan/modul kodi 36 fisp 4 07 O‘quv yili

 
II. Asosiy nazariy qism (ma’ruza mashg‘ulotlari) 
II.I. Fan tarkibiga quyidagi mavzular kiradi: 
1-mavzu. Byudjet-soliq siyosati: nimalarni va qanday o’rganamiz? 
Siyosatning juda nozik va murakkab masala ekanligi. Unga nisbatan munosabat 
bildirayotganda juda ehtiyot bo’lmoqning lozimligi. Siyosatning xilma-xil turlari 
(ko’rinishlari) va Byudjet-soliq siyosati. Uning o’ziga xos asosiy xususiyati, bog’lanish 
tomonlari, bir-biridan ajratib bo’lmasligi. Byudjet-soliq siyosatini to’g’ri va oqilona 
yurgizishning zarurligi va uning oqibatlari.
“Byudjet-soliq siyosatining o’zi nima, uning asosini nima tashkil tashkil etadi, 
tarkibiy qismlari nimalardan iborat, bu siyosat ishlab chiqilayotgan paytda nimalarga 
e’tibor berish kerak, uning zamonaviy dolzarb muammolari nimalar va ularni qanday 
qilib hal qilish maqsadga muvofiq?” kabi ko’plab savollarga aniqlik kiritib olishning 
zarurligi.
Byudjet-soliq siyosatini moliyaviy siyosatsiz tasavvur etib bo’lmasligi; Byudjet 
siyosati Byudjet-soliq siyosatining va shunga mos ravishda, moliyaviy siyosatning ham 
eng muhim tarkibiy qismi hisoblanishi va unga nisbatan birlamchi xarakterga egaligi; 

---

3 
Byudjet tizimi, Byudjet tuzilmasi va Byudjet jarayoni orqali Byudjet siyosatining o’zini 
namoyon etishi; Byudjet siyosati doirasidagi eng dolzarb muammolar barchasining, 
beixtiyor, Byudjet defitsitiga borib taqalishi; soliq siyosatining Byudjet-soliq siyosatida 
alohida, salmoqli o’ringa egaligi; soliq yukiga nisbatan bo’lgan munosabat masalasining 
soliq siyosatida eng muhim o’rin tutishi; soliq siyosatidagi eng munozarali 
muammolardan birining soliq imtiyozlariga tegishli ekanligi; Byudjet-soliq siyosatining 
zamonaviy dolzarb muammolari, ularga nisbatan bildirilayotgan e’tirozlar, muammo-
larni hal etish va e’tirozlarni yumshatish yo’llari; Byudjet-soliq siyosatining dogma 
(qotib qolgan) emasligi va uni takomillashtirishning fundamental asoslari (ustuvor 
yo’nalishlari). 
Byudjet-soliq siyosatining ma’no-mazmunini o’quvchiga (ayniqsa, magistrantlarga) 
qanday tarzda tushuntirishni aniqlash, unda barcha fuqarolarni qiziqtiruvchi hayotiy 
savollarga javob berish, bildirilgan fikrlarning har biriga o’quvchilarning katta shubha 
bilan qarashlari, ayrim masalalarni muhokama etishda an’anaviy usullardan 
foydalanilmaslik, bir qator muammolarning o’quvchilarga oddiy ko’rinishda bildirilib, 
ongli ravishda va sun’iy tarzda oldindan ochiq qoldirishning maqsadga muvofiqligi.