1 Bismillahir rohmanir rohiym Muqaddima
Download 0.83 Mb. Pdf ko'rish
|
Muhammad mustafo vasfi
|
1 Bismillahir rohmanir rohiym Muqaddima Alloh taologa oʻzi rozi boʻlgunicha hamdu sano, paygʻambari Muhammad sollallohu alayhi vasallamga salovat va salomlar boʻlsin. Ammo baʻd: Alloh taolo bizga nabiyyimiz Muhammad sollallohu alayhi vasallamni haq din ila, olamlarga rahmat oʻlaroq jonatar ekan, bizni u zotga itoat qilishimizni, u zotni yaxshi koʻrish va haq-huquqlarini oʻz oʻrniga qoʻyishimizni buyurdi. Alloh taolo jannat uchun eshiklar qilgan. Bu eshiklar faqatgina u zotning yoʻlidan yurganlargagina ochiladi 1 . Bizlarga ham ana shu eshiklar ochilishini istasak, u zotning yoʻllarini, siyratlarini oʻrganib, u zotga ergashmogʻimiz kerak. Qoʻlingizdagi ushbu risola Doktor Xolid Ibn Mahmud Al- Juhaniyning “Ad-Durrul mujtaba fiy vasfil-mustofa” asariga tayanib yozildi. Istardimki, Nabiy sollallohu alayhi vasallamning quyida keladigan goʻzal sifatlari har bir musulmon oilasida takror takror oʻqilsin. Toki zehnlarimizda u zotning sahih koʻrinishlari va xulqlari gavdalansin. Quyidagi bitiklar oz boʻlsa ham u zotni yaqinroq tanishga hissa qoʻshadi degan umiddaman. 1 Ibnul Qoyyim, “Zadul ma’ad” 1/36-37. 2 Ushbu risola uch qismdan iboratdir: 1) Nabiy sollallohu alayhi vasallamning tashqi koʻrinishlari 2) U zot sollallohu alayhi vasallamning xulqlari 3) U zot sollallohu alayhi vasallamning xususiyatlari Risolada kelgan har bir maʻlumot manbasi pastda havolada keltirildi. Duolarning arabcha matni bilan oʻzbekcha harflarda oʻqilishi va maʻnolari keltirildi. Arabchaga xos boʻlgan baʻzi tovushlarni oʻzbekcha harfda toʻliq ifoda qilib boʻlmagani uchun, arabcha oʻqishni bilmaydiganlar biladiganlarga oʻqitib, keyin duolarni yodlaganlari afzal. Alloh taolodan ushbu qilingan ojizona harakatni qabul qilishini, xato-kamchiliklarimni magʻfirat qilishini, shuningdek, ota-onamni va ustozlarimni ham Firdavs jannatlari bilan siylashini, hamda, shu risolani oʻqib foyda olgan va uni boshqalarga ham ulashganlarni magʻfirat qilib, darajalarini koʻtarishini soʻrayman. Amiyn. Download 0.83 Mb. Do'stlaringiz bilan baham: 
|