BUXORONING MANG’IT AMIRLARI TARIXI.
MUNDARIJA
Kirish……………...…………….……….....................…………..........................3
I bob. Mang’itlarning kelib chiqishi va ularni hokimiyat tepasiga kelishi.
1.1 Buxoro amirligi va Mang’itlar sulolasi haqida tarixiy manbalar...............5
1.2 Mang’itlarning xonlikda yuqori nufuzga erishishi, Ashtarxoniylar sulolasining inqirozi sabablari va Buxoro amirligining tashkil topishi………………………………………………………………….
II bob Mang’itlari davrida Buxoro amirligi.
2.1 Mang’it hukmdorlarning hukmronlik davrida buxoro amirligi……….…18
2.2 Mang’it amirlari davrida ijtimoiy-iqtisodiy hayot tarzi, shaharlar soliq majburiyatlari, mansablar, harbiy ish..............................................................30
Xulosa………………………………...................................………………35
Foydalanilgan adabiyotlar…….…...............................................……......
KIRISH.
Mavzuning dalzarbligi.
Shavkat Mirziyoyev: «Bizni mushtarak tarix va madaniyat, yagona muqaddas din, o‘xshash mentalitet bog‘lab turadi»1
Vatanimiz tarixini kelajak avlodga har tomonlama chuqur o‘rgatishning eng qulay vositasi ta’lim tizimida o‘qitilayotgan «O‘zbekiston tarixi» fani hisoblanadi. Shu bois ham, mustaqillik yillarida umumta’lim, o‘rta maxsus, oliy ta’lim tizimida o‘quvchi-talabalar uchun O‘zbekiston tarixining eng qadimgi davridan bugungi kunga qadar bo‘lgan tarixi bo‘yicha davlat talablari, o‘quv dasturlari, qo‘llanma va darsliklar yaratildi. O‘zbekiston tarixi fanini o‘qitishni zamonaviy asnoda tashkil etish, uning samaradorligini yanada oshirish, ilg‘or pedagogik va axborot kommunikatsion texnologiyalardan foydalanish, ilm-fandagi innovatsiyalarni tatbiq etish hozirgi kun ta’lim tizimining muhim masalalaridan biriga aylandi.
Shuni alohida qayd etish lozimki, keyingi yillarda xalqimizning boy tarixini manbalarga tayangan holda chuqur o‘rganish borasida salmoqli ishlar amalga oshirilmoqda. Bugungi davr talabidan kelib chiqib, O‘zbekiston tarixi fanida amalga oshirilgan ana shunday tadqiqot natijalari va zamonaviy pedagogik talablar asosida yangi o‘quv adabiyotlarini tayyorlash dolzarbligicha qolmoqda. Ayniqsa, oliy o‘quv yurtlarining mutaxassislik yo‘nalishlari talabalariga kengroq tarixiy bilimlar beruvchi o‘quv adabiyotlarini yaratish muhim sanaladi.
Ayni shu maqsadda tayyorlangan mazkur uslubiy qo‘llanma o‘zbek davlatchiligi tarixida alohida o‘ringa ega bo‘lgan Buxoro amirligining XVIII asr o‘rtalaridan – XIX asr o‘rtalarigacha bo‘lgan tarixini qamrab oladi. O‘zbekiston tarixining ajralmas qismi bo‘lgan bu davrning siyosiy, ijtimoiy-iqtisodiy tarixi masalasini o‘rganish alohida ahamiyat kasb etadi. Mazkur davr ashtarxoniylar sulolasi qo‘lida bo‘lgan Buxoroning inqirozga yuz tutishi oqibatida siyosiy kurash nihoyatda kuchaygan, mamlakatning ijtimoiy-iqtisodiy hayotida keskin o‘zgarishlar yuz bergan palladir. So‘nggi ashtarxoniylar (to‘qay-temuriylar) va mang‘itlarning Buxoro hokimiyati tepasiga kelishi, o‘sha davr voqea-hodisalari, harbiy- siyosiy, ijtimoiy-iqtisodiy tizimni haqqoniy o‘rganish muhim.
Do'stlaringiz bilan baham: |
