Акромегалия. Гигантизм. Нанизм. Эндокринология

ДАВОЛАШ:
1) Пархез- рацион ёғ, окқсил, углевод, витамин, мева ва сабзовотларга бой бўлиши керак
2) Этиотроп- гипоталамо-гипофизар тизим ўсмаларида оператив ёки нур терапия олиб борилади.
3) Патогенетик- ўринбосар гормонал терапия- периферик без гормонлари (буйрак усти бези, қалконсимон без, жинсий безлар) кейин эса гипофизар гормонлар (АКТГ, ТТГ, гонадотропинлар- ФСГ ва ЛГ) юборилади. АКТГ суткасига 20-100 ТБ м\о, кортикостероидлар кунига 25 мг дан, ДОКСА 5 мг дан ҳар куни ёки кунора, хорионик гонадотропин 500-1000 ТБ дан м\о ҳафтасига 2-3 марта; эркакларга андроген препаратлар тестостерон пропионат 10-250мг дан ҳафтасига 2-3 марта, аёлларга эстронген препаратлар диэтилстильбэстрол 1 мг дан м\о ҳар куни. Гипотиреоз белгилари бўлганда тиреоидин 0,03-0,05 кунига 2 маҳал ёки трийодтиронин гидрохлорид кунига 10-20 мкг дан берилади, бу препаратлар гипотонияга олиб келганлиги учун улар билан биргаликда глюкокортикостероидлар берилади. Организмда оқсил синтезини ошириш мақсадида анаболик стероид препаратлар метандростеналон (неробол) 5 мг дан кунгиа 2-3 маҳал, ретаболил 2,5% ёки 5% 1 мл дан ойига 1 марта
4) Симптоматик- дегидратацияга қарши курашиш, гипотонияга қарши курашиш, гипогликемияга қарши курашиш, оксидланиш жараёнларини яхшилаш учун кокарбоксилаза 100 мг дан в\и, 5% 5,0 аскорбин кислотаси, витамин В12 200 мкг
ПАНГИПОПИТУИТАРИЗМ


Пангипопитуитаризм- гипоталамо-гипофизар системадаги жароҳатланиш бўлиб, гипофиз функциясининг пасайиши ва периферик эндокрин безларнинг етишмовчилиги билан характерланади. Бу синдром ўзида иккита касалликни қамраб олади: Симмондс касаллиги ва Шиен касаллиги. Симмондс касаллиги- гипоталамо-гипофизар тизим етишмовчилигининг оғир даражаси, унинг асосий сабаби гипофиз некрози бўлиб, кахексия ва полиэндокрин етишмовчилик билан характерланади. Касаллик кўпинча аёлларда учрайди. Шиен касаллиги (туғруқдан кейинги пангипопитуитаризм)- аёлларда туғруқ давридаги массив қон кетишлар ёки кам ҳолларда септик ҳолатлардан кейин юзага келадиган гипоталамо-гипофизар етишмовчилик.