Amaliy mashg’ulot: Diareya sindromi bilan kechadigan yuqumli kasalliklar: Dizenteriya, salmonellyoz, vabo
Download 0.71 Mb. Pdf ko'rish
|
4 - Nazariy material 5039fe387f04c0dc8750aa7d62e7218a
|
6.2. Analitik qism
Vabo kasalligi mavzusini «IShBILARMON O’YINLAR» nomli interaktiv usul yordamida guruhlarda amaliy mashg’ulot darsini olib borish stsenariyi Mashg’ulot o’yini uchun poliklinika sharoiti yaratiladi. Guruhdagi talabalar orasidan BEMOR, XAMShIRA, ShIFOKOR tayinlanadi va mashg’ulot o’yini quyidagi tarzda olib boriladi: BEMOR – Mumkinmi? XAMShIRA – Mumkin, kiring. BEMOR – Assalomu alaykum doktor, menga yordam bering, tobim yo’q. XAMShIRA – Anketa to’latadi: bemorning F.I.Sh., yoshi, yashash manzili, ish joyi, lavozimi. Bemorga termometr qo’yadi. ShIFOKOR – Nima bezovta qilyapti? BEMOR – Kechasi bilan ichim 4-5 marta suvdek surdi. Bugun ertalab nonushtadan oldin 1 marta qusdim, madorim yo’q. ShIFOKOR – Epidemiologik anamnez yig’ish maqsadida bemorga quyidagi savollarni beradi. Bemor kasal bo’lishdan 2-3 kun oldin xorijda bo’lganmi yoki bo’lmaganmi, mehnat faoliyati, uyini sanitariya holati, shaxsiy gigiena qoidalariga rioya qiladimi yo’qmi, ochiq suv havzasidagi suvdan qaynatmay iste’mol qilganmi, ho’jalik ishlari uchun foydalanganmi, diareya sindromi bo’lgan bemorlar bilan muloqotda bo’lganmi, qaerda va qanday ovqatlar iste’mol qilgan, xorijiy fuqarolar bilan muloqotda bo’lganmi, ... BEMOR – Pokistonda bir hafta davomida tijorat ishlari bilan band bo’lib, kecha Toshkentga qaytib kelganman – deydi. Pokistonda mahmonxonada o’zi bilan birga borganlardan 3-4 tasini ichi surganini, ammo dori ichib ahvoli biroz yaxshilanganini aytadi. ShIFOKOR – Kasallikning tarixiy bayonini yozish maqsadida – ―Kasallik qanday boshlandi?‖ – deb savol beradi. BEMOR – Kechasi soat 22 larda birdan ichim surdi. Birinchi marta bo’tqasimon edi, lekin tez orada qaytadan ichim surdi, bu galgisi suvdek edi. ShIFOKOR – Isitmangiz ko’tarildimi, sovuq qotib, qaltiradingizmi? Qorningiz og’riyaptimi? BEMOR – Umuman isitmam ko’tarilmadi, hozir ham 36,2°S ekan, qaltiramadim, qornim og’rimayapti. ShIFOKOR – Najasingizda qon, yiring, shilliq modda bormi, ich kelishida kuchanayapsizmi, najasingizning rangi qanaqa, o’ta badhidmi? BEMOR – Najasimda qon, yiring, shilliq modda yo’q, badhid emas, kuchanmasdan kelyapti. ShIFOKOR – Hozir ahvolingiz qanday? BEMOR – Og’zim quriyapti, madorim yo’q, yuragim bezovta bo’layapti, panjalarim muzlayapti, boldir mushaklarim biroz tortilayapti. ShIFOKOR – Ilgari siz qaysi kasalliklar bilan kasallangansiz? Nasliy kasalliklar bo’lganmi? Dori-darmonlarga, oziq-ovqatlarga allergiya kuzatilganmi? BEMOR – Ilgari tumov, tomoq og’rig’i, yoshligimda sariq kasal bo’lganman, bir marta ot tepib jag’ suyagim singan, shifoxonada davolanganman. Allergiya kuzatilmagan. Naslimiz toza. ShIFOKOR – Bemorni umumiy ko’ruvdan o’tkazadi. XAMShIRA – Ambulator kartaga ma’lumotlarni qayd qiladi: bemorni qo’l-oyoq panjalari muzdek, terisi toza, toshmalar yo’q, elastikligi biroz pasaygan, tomir urishi 1 daqiqada 96 marta, ravon, yurak tonlari biroz bo’g’iq, AQB – 100G’50, nafas olishi 1 daqiqada 20 marta, o’pkasida – vezikulyar nafas eshitiladi, qorni – tortilgan, paypaslanganda og’riqsiz, ammo suvni shildirashi sezilyapti, jigari va qora talog’i kattalashmagan, sigmasimon ichak elastik holatda, og’riqsiz, Pasternatskiy simptomi, meningeal belgilar salbiy, umumiy ahvoli o’rtacha og’irlikda. BEMOR – Hojatga borish istagini bildiradi. ShIFOKOR – Xamshiraga – bemorning najasi ―guruch qaynatilgan suv‖ga o’xshayapti. Bemorda ―Forma №30‖ kasalligi bo’lsa kerak. 1. Tezda eshik va derazalarni bekiting. 2. Bemor qabul qilishni to’xtating. 3. Qabulni kutib turgan bemorlarni biri yordamida biron bir tibbiyot xodimini chaqirtirib, bosh shifokorga ―Forma №30‖ kasalligi aniqlanganligi to’g’risida habar beriladi va himoya kiyimlari, tezkor profilaktika uchun dori-darmonlar, bemorni parvarishlash uchun lozim bo’lgan predmetlar, dori-darmonlar, dezinfektsiyalovchi dori- vositalar, najasini ekish uchun ozuqa muhitlar so’raladi. 4. Tibbiyot xodimlari himoya kiyimlarini kiyadi (II tip kostyum). 5. Bemorga lozim bo’lgan tibbiy yordam ko’rsatiladi va epidemiyaga qarshi tartibga rioya qilgan holda bemorning parvarishlanishini tashkil qiladi. Download 0.71 Mb. Do'stlaringiz bilan baham: 
|