Balalar psixologiyasi kk

 
Tema : Balalar psixologiyasinin` metodlari. 
 
1. Balalar ruhhiyatin` u`yreniwdin` metodiyaliq printsipleri. 
2. Balalar psixologiyasin izertlew jollari. 
3. Izertlewdi jobalastiriw ha`m a`melge asiriw. 
4. Balalar psixologiyasin u`yreniw metodlari. 
 
Psixologiyanin` metodlari. Psixologiyanin` tiykarg`i metodlari- baqlaw ha`m ta`jriybe boladi. Jeke 
metodlarda gu`rrin`lesiw, anketa, adam xizmetleri protsessin ha`m juwmaqlarin analizlew metodi, test metodi, 
biografiya metodi, ja`ne basqa da geyparalari qollaniladi. 
1. Baqlaw metodi. Adamnin` ha`r ku`ngi psixikaliq xizmetini ku`ndegi o`mir ha`m jag`daylarda analizlewden 
ibarat. 
Jas da`wirleri psixologiyasi ha`m pedagogikaliq psixologiyada bul metoddin` ob`ektiv (sirtqi) ha`m sub`ektiv 
(o`zin-o`zi) baqlaw tu`ri bar. Adamnin` psixikasindag`i o`zgerislerdi baqlaw ushin to`mendegiler a`melge 
asiriladi. 
A) baqlawdin` maqseti, waziypasi belgilenedi; 
B) baqlanatug`in ob`ekt tan`lanadi. 
V) u`yrenetug`in adamnin` jasi, jinisi haqqinda mag`liwmat jiynaladi; 
G) izertlewdi o`tkeriw waqti jobalastiriladi; 
D) baqlaw qanshelli dawam etiwi belgilenedi; 
E) baqlaw adamnin` qaysi xizmetinde (oyin, oqiw, miynet, sport) a`melge asiriliwi belgilenedi. 
E) baqlawdin` tu`ri (jeke, topar, ja`miyet) belgilenedi; 
J) baqlang`anlardi jazip bariw (ku`ndelik, sa`wbet da`pteri, baqlaw qag`azi, magnitofon, videomagnitofon h.t.b) 
tayarlap qoyiladi. 
Baqlaw arqali tu`rli adamlardin` diqqati, sezimleri, nerv sistemasinin` sirtqi ko`riniwi, temperament, mimika, 
sezgirligi, so`ylewi u`yreniledi. Biraq ku`shli quramali ishki psixologiyaliq keshirmeler, joqari sezimler, oylaw, 
este saqlaw ha`m aqil ziyreklikti izertlewge bul metodtin` imkani jetpeydi. 

---

4